ریال مەدرید تەنیا بە مەرجێک دەستبەرداری ئەستێرەکەی دەبێت
یاریگا –
ریال مەدرید تەنیا لە حاڵەتێکدا رەزامەندی لەسەر رۆیشتنی دانی سیبایۆس دەبێت کە ئۆفەرێکی بەرچاوی پێشکەش بکرێت.
لە گواستنەوەی هاوینەی ساڵی رابردوودا، سیبایۆس بڕیاریدا گرێبەستێکی نوێ لەگەڵ ریال مەدرید واژۆ بکات بەو هیوایەی بتوانێت لەماوەی ئەم وەرزەدا ببێتە یەکێک لە ئەستێرەکانی تیپەکە و پێگەیەکی سەقامگیری لە هێڵی ناوەڕاستدا هەبێت.
بەڵام دۆخەکە بەشێوەیەکی دیکە بەرەو پێش چوو و کارلۆ ئەنچیلۆتی دەرفەتی زۆریبۆ یاریکردن بەم یاریزانە نەدا، ئەم بابەتەش ناڕەحەتی و نیگەرانییەکی زۆری یاریزانەکەی لێکەوتەوە کە بەهیچ شێوەیەک بەم دۆخە و بە دانیشتنی لەسەر کورسی یەدەک رازی نەبوو، ئەمەش بووە هۆی درووست بوونی دەنگۆی رۆیشتنی ناوەڕاستکارەکە لە مەدرید.
بەڵام بڕیارەکەی کرۆس بۆ جێهێشتنی ریال مەدرید و ماڵئاواییکردن لە جیهانی تۆپی پێ، وایکرد بەڕێوەبەرانی ئەم یانەیە نیگەران بن لە بارودۆخی هێڵی ناوەڕاستی ئەم تیپە لە وەرزی داهاتوودا و بە ئەستێرە ئیسپانییەکەیان رایانگەیاند کە رێگەی پێنادەن وا بە ئاسانی بڕوات، چونکە لە ئەگەری پێکان بۆ ئەستێرەکان یاریزان لەسەر کورسی یەدەگ دەبێت هەبێت.
🚨 Real Madrid will NOT give Dani Ceballos away easily. If he wants to leave, he has to bring in a satisfactory offer for the club. @relevo pic.twitter.com/ekt7cpOMgZ
— realmadrid_infos (@MadridInfos14) July 14, 2024
ئێستا، ماڵپەڕی ریڤۆلۆی ئیسپانی بڵاویکردەوە، ریال جارێکی دیکە بە سیبایۆسی راگەیاندووە کە بەو ئاسانییە بە رۆیشتنی رازی نابن. ئەگەر ئەم یاریزانە بیەوێت ئەم یانەیە جێبهێڵێت، پێویستە ئۆفەرێکی گونجاو و بەرچاو لەلایەن کڕیارەکەیەوە پێشکەش بکات، تەنیا بەو مەرجە رێگە بە رۆیشتنی دەدەن، بە پێچەوانەوە دەبێت لە وەرزی داهاتووش بەردەوام بێت، و لەسەر کورسی یەدەگ چاوەڕێی دەرفەت بۆ یاریکردن بێت.
