یانەیەکی گەورەی پرێمەرلیگ لە گواستنەوەی ئیڤان تۆنی نزیک دەبێتەوە
تۆنی خۆی یەکلایی دەکاتەوە
یاریگا –
مانچێستەر یونایتدی ئینگلیزی لە گواستنەوەی ئیڤان تۆنی هێرشبەری برێنتفۆرد نزیک دەبێتەوە.
رۆژنامەنووسی رۆژنامەی بیڵد کریستیان فاڵک بڵاویکردووەتەوە، دوای گواستنەوەی جۆشوا زیرکزی هۆڵەندی، مانچێستەر یونایتد ئارەزووی گواستنەوەی ئیڤان تۆنی ئینگلیزی دەکات.
بەگوێرەی زانیارییەکانی فاڵک، هێرشبەرەکەی برێنتفۆردیش دەیەوێت پەیوەندی بە شەیتانە سوورەکان بکات و لە رێگەی بریکاری کارەکانی برێنتفۆردی لە بڕیارەکەی ئاگادارکردووەتەوە.
Beside the Transfer of Joshua Zirkzee
(23), Manchester United is interested in Ivan Toney (28), striker, contract til 2025
❇️ Toney wants to join Manchester United
❇️ Brentford is already informed by the Agent of the striker— Christian Falk (@cfbayern) July 13, 2024
هێرشبەرە تەمەن 28 ساڵانییەکە لە هاوینی داهاتوو گرێبەستەکەی بەسەردەچێت، تۆماس فرانکی راهێنەری یانەکە هیوا بۆ مانەوەی دەخوازێت، بەڵام ئەگەر گرێبەستەکەی نوێ نەکاتەوە، لە هاوینی داهاتوو دەتوانێت بەشێوەیەکی ئازاد یانەکەی جێبهێڵێت.
هاوکات جیا لە مانچێستەری سوور، چەند یانەیەکی دیکەی ئەوروپا لە نێویاندا ئارسیناڵ، ئارەزووی گواستنەوەی تۆنی دەکەن، بەڵام گۆڵکارە ئینگلیزەکە دەیەوێت یاریی بۆ مان یونایتد بکات.
تۆنی لە هاوینی 2020 لە پیتەربرۆ یونایتدەوە بەبڕی 5.60 ملیۆن یۆرۆ پەیوەندی بە برێنتفۆرد کرد، بە درێسی یانەکەی لە سەرجەم پاڵەوانێتییەکان بەشداری 141 یاری کردووە، 72 گۆڵی کردووە و 23 گۆڵیشی دروستکردووە.
