جیڕۆنا گواستنەوەی ڤان دی بیكی بۆ ریزەكانی یانەكەی راگەیاند

یاریگا –

یانەی جیڕۆنا بەفەرمی گواستنەوەی دۆنی ڤان دی بیكی هۆڵەندی و یاریزانی یانەی مانچێستەر یونایتدی بۆ ریزەكانی یانەكەی راگەیاند.

یانەی جیڕۆنا لە هەژماری فەرمی خۆی لە پلاتفۆرمی ئێكس پەیوەندیكردنی دۆنی ڤان دی بیكی بە یانەكەیانەوە راگەیاند.

BENVINGUT DONNY! 👋

— Girona FC (@GironaFC) July 11, 2024

ڤان دی بیك بە نیو ملیۆن یۆرۆ و بۆ ماوەی چوار ساڵ و تا ساڵی 2028 پەیوەندی بە یانە ئیسپانیەكەوە كرد.

وەرزی رابردوو ڤان دیك بە خواستن لە ریزەكانی ئینتراخت فرانكفۆرت یاری دەكرد و لەگەڵ یانە ئەڵمانییەكە هەشت یاری كرد و هیچ گۆڵ و ئەسیستێكی نەكرد.

Com li queda la blanc-i-vermella… 😏 pic.twitter.com/rR0VG4KzsX

— Girona FC (@GironaFC) July 11, 2024

جیڕۆنا وەرزی رابردوو لە پلەی سێیەمی ریزبەندی لالیگای بەدەستهێنا و لە چامپیۆنزلیگی وەرزی داهاتوو بەشداری دەكات.