یامال لە ریکۆردێکدا پێش ئەفسانە پێلی دایەوە
یاریگا –
لامین یامال بە تەمەنە بچووکەکەیەوە بەردەوامە لە حەپەساندنی جیهان و ئەمشەویش بە گۆڵێک ناوی خۆی بە ئاوی زێڕ لە مێژووی پاڵەوانێتیە گەورەکاندا نووسیەوە.
لە یاری پێش کۆتایی ئەمشەوی نێوان هەڵبژادەی ئیسپانیا و فەڕەنسا لە یۆرۆی 2024 کە تێیدا فەڕەنسیەکان لە خولەکی 8 لە رێگەی کۆلۆ موانی پێشکەوتبوون، یامالی لاو لە خولەکی 21 بێدەنگی شکاند و بە گۆڵێکی سەرسوڕهێنەر ئەنجامەکەی یەکسانکردەوە.
گۆڵەکە هاوکات ریکۆردێکی ناوازەی لەگەڵدا بوو بۆ ئەستێرە هەڵکەوتووەکەی ماتادۆر بەوەی بوو بە بچووکترین یاریزان لە پاڵەوانێتیەکی گەورەی وەک (یۆرۆ یاخود جامی جیهانی) بتوانێ تۆڕی گۆڵ بهەژێنێت و پێش پێلێی ئەفسانەی دایەوە.
بچووکترین ئەو یاریزانانەی لە پاڵەوانێتیەکی گەورەی نێودەوڵەتیدا گۆڵیان تۆمارکردووە:
1- لامین یامال (16 ساڵ و 362 رۆژ)
2- پێلێ ( 17 ساڵ و 239 رۆژ)
3- مانوێل رۆساسی مەکسیکی (18 ساڵ و 93 رۆژ)
4- گاڤی ئیسپانی (18 ساڵ و 110 رۆژ)
16 – Jugadores más jóvenes en la historia en marcar entre Eurocopa y Mundial:
1 – LAMINE YAMAL 🇪🇸 (16 años y 362 días)
2 – Pelé 🇧🇷 (17 años y 239 días)
3 – Manuel Rosas 🇲🇽 (18 años y 93 días)
4 – Gavi 🇪🇸 (18 años y 110 días)Diamante. pic.twitter.com/34FgwdVZow
— OptaJose (@OptaJose) July 9, 2024
ئیسپانییەکان 4 خولەک دواتر لە رێگەی دانی ئۆلمۆوە پێشکەوتنەوە. ئەو ئەنجامەیش بەس بوو تا خۆیان بگەیەننە یاریی کۆتایی یۆرۆ و لەوێ چاوەڕێی براوەی نێوان هۆڵەندا و ئینگلتەرا دەکەن.
گۆڵەکەی یامال ببینە:
Spain vs France is worthy of a grand Euro final. This goal by 16-year-old Lamine Yamal will remain in the history books for decades. ⚽️🔥 #ESPFRA | #FRAESP pic.twitter.com/wqQoL9tO6S
— Suraj Balakrishnan (@SurajBala) July 9, 2024
ئەوە تەنها ریکۆردێک نەبوو بۆ یامال، بەڵکو بوو بە بچووکترین یاریزان لە مێژووی یۆرۆدا گۆڵ تۆمار بکات.
