دەرچوونی گرینوود یاریزانێکی دیکە لە مان یونایتد نزیکدەکاتەوە

یاریگا –

مانچێستەر یونایتد دووەم ئۆفەری فەرمی بۆ گواستنەوەی جاراد برەینسوەیت پێشکەشی ئێڤەرتن کردووە.

رۆژنامەی دەیلی مەیڵ بڵاویکردووەتەوە، مان یونایتد ئۆفەرێکی دیکەی بەبڕی 50 ملیۆن پاوەند بۆ گواستنەوەی برەینسوەیت پێشکەشی ئێڤەرتن کردووە، ئەمەش دوا بەدوای نزیکبوونەوەی مەیسن گرینوود، لە پەیوەندیکردن بە مارسیلیا و دەستخستنی بڕی 27 ملیۆن پاوەند.

ئۆفەری یەکەمی مان یونایتد بریتیبوو لە 42 ملیۆن پاوەند و ئێڤەرتن رەتیکردەوە، بەهۆی کێشەی داراییەوە شەیتانە سوورەکان نەیاندەتوانی ئۆفەرێکی باشتر بخەنە سەر مێزی تۆفیس، بەڵام ئێستا گرینوود لە پەیوەندیکردن بە مارسیلیا نزیکە و ئەمەش گرێبەستەکە پارەدار دەکات. چونکە مان یونایتد پلانی گواستنەوەی جۆشوا زیرکزی و ماتیاس دی لیختیشی هەیە.

گرێەستی برەینسوەیت لە هاوینی ساڵی 2027 بەسەردەچێت و 9 مانگ بەر لە ئێستا گرێبەستەکەی نوێکردەوە.