نیمچەفەرمی؛ کۆپا ئەمێریکا بۆ ئاراوخۆ کۆتایی هات
یاریگا –
هەڵبژاردەی ئوروگوای گورزێکی کوشندەی بەرکەوت لە هێڵی بەرگری بەهۆی پێکانی رۆناڵد ئاراوخۆ، یاریزانی کاریگەری تیمەکە.
بەرەبەیانی رابردوو لە میانی یارییەکی چارەکی کۆتایی ئوروگوای توانی بە لێدانی یەکلاکەرەوە لە بەڕازی بباتەوە دوای ئەوەی هەردوو گێمەکە بەبێ گۆڵ کۆتایی هات.
لە خولەکی 33ی یارییەکە ئاراوخۆ بە ناچاری دانیشێنرا دوای ئەوەی لە ماسولکەکانی پشتەوەی رانی تووشی پێکان بوو.
ئەمڕۆ یواکیم پیێرای رۆژنامەنووس ئاشکرایکرد کە ناوبراو بە دڵنیایی ناگەڕێتەوە بۆ یاری پێش کۆتایی بەرانبەر کۆڵۆمبیا و رەنگە لە ئەگەری سەرکەوتنیشیان بۆ فیناڵی پاڵەوانێتیەکەیش بێبەش بێت.
💔 ¡Ronald Araujo se lesiona!
😳 El central del Barça tuvo retirarse en el minuto 33 del Uruguay-Brasil de la Copa América
✍️ @joaquimpiera https://t.co/IhB38pPlki
— Diario SPORT (@sport) July 7, 2024
پێکانی بەرگریکارەکەی بارسێلۆنا دوای هەوڵێک هات لە رکابەرایەتی لەگەڵ گیلێرمی ئارانای بەڕازیلی بۆ روماڵکردنی تۆپێک، بەوە ماسوولەکە رانی دووچاری کشانێکی زۆر بووەوە و نەیتوانی درێژە بە یاریکردن بدات.
رۆژی 11ی ئەم مانگە لە دووەم یاریی قۆناخەکەدا ئوروگوای و کۆڵۆمبیا رووبەڕووی یەکتر دەبنەوە و براوەیان لە فیناڵ بەرانبەر یەکێک لە هەڵبژادەکانی ئەرجەنتین و کەنەدا یاریی دەکەن.
