مانچێستەر یونایتد نرخی گرینوودی بۆ فەڕەنسیەکان دیاریکرد
یاریگا –
مانچێستەر یونایتد بە نیازە وەبەرهێنانێکی باش بە مەیسن گرینوودەوە بکات لە سەروبەندی ئەو داخوازیانەی بۆ یاریزانەکەی هاتوونەتە پێش.
گرینوود کە دوای کێشە یاساییەکانی لە ئینگلتەرا بە خواستن لە سێپتەمبەری 2023 نێردرایە یانەی خیتافی، لەو یانە وەرزی رابردوو لە 33 یارییدا توانی 8 گۆڵ بکات لەگەڵ 6 ئەسیست و لە کۆتاییشدا بە باشترین یاریزانی خیتافی دەستنیشانکرا بۆ هەمان وەرز.
بەگوێرەی زانیارییەکانی رۆژنامەنووس سانتی ئاونا، ئێستا یانەی مارسیلیای فەڕەنسی لەو گرینوود هاتوونەتە پێش و خودی یاریزانەکەیش زۆر حەز دەکات پەیوەندی بەو یانەیەوە بکات.
🚨🔴🏴 #PL |
➡️ Comme évoqué par @David_Ornstein, l'OM piste Mason Greenwood
✅️ Dossier ouvert depuis plusieurs jours. L'ailier anglais est très intéressé
💰 Manchester United réclame ~40M€ pic.twitter.com/sKd168urxY
— Santi Aouna (@Santi_J_FM) June 27, 2024
ئەو رۆژنامەنووسە ئاشکرایشی کردووە کە مانچێستەر یونایتد لە بەرانبەر دەستبەرداربوون لە یاریزانە 22 ساڵانەکەی داوای 40 ملیۆن یۆرۆ دەکات.
بڵاوبوونەوەی ئەم زانیارییە لە کاتێکدایە لە ماوەی دوو هەفتەی رابردوو هەواڵ لە میدیا ئینگلیزیەکان بڵاوبووەوە کە مان یو دەیانەوێ بە تەواوەتی لەگەڵ مەیسن یەکلاببنەوە و بیفرۆشن.
