وادەی نوێکرانەوەی گرێبەستەکەی تێن هاخ ئاشکرا دەکرێت
فەلسەفەی هۆڵەندییەکان لە ئۆڵدترافۆرد درێژە دەکێشێت
یاریگا –
مانچێستەر یونایتد گرێبەستێکی نوێی درێژخایەن لەگەڵ ئێریک تێن هاخ واژۆ دەکات.
رۆژنامەنووسی ئیتالی فابریزیۆ رۆمانۆ بڵاویکردووەتەوە، تێن هاخ گرێبەستەکەی لەگەڵ مانچێستەر یونایتد نوێدەکاتەوە، هەردوولا نزیکن لە رێککەوتنی کۆتایی.
بەگوێرەی زانیارییەکانی رۆمانۆ، لەم هەفتەیە هەنگاوەکانی نوێکردنەوەی گرێبەستەکە دەچێتە قۆناخی کۆتایی، مەرجەکان یەکلایی دەکەنەوە و واژۆ لەسەر گرێبەستێکی نوێ دەکەن.
🚨🔴 EXCL: Erik ten Hag, set to sign new contract at Manchester United as deal is now almost agreed.
Contacts advancing to final stages this week with his agents to finalize terms.
↪️ There will be changes in the staff with Ruud van Nistelrooy as strong candidate, as revealed. pic.twitter.com/H5HMX2jT7N
— Fabrizio Romano (@FabrizioRomano) June 25, 2024
بەپێی هەمان سەرچاوە، گۆڕانکاری لە ستافی یاریدەدەرەکانی راهێنەرە هۆڵەندییەکە دەکرێت، رود ڤان نیستڵڕۆی هۆڵەندی و ئەفسانەی یانەکە، نزیکترین بەربژێرە بۆ وەرگرتنی پۆستی یاریدەدەری تێن هاخ.
تێن هاخ لە هاوینی 2022 گرێبەستی لەگەڵ شەیتانە سوورەکان واژۆ کردووە، لە 114 یاری سەرپەرشتی تیپەکەی کردووە، 68 یاری بردووەتەوە، 15 یاری یەکسانبووە و 31 یاریش دۆڕاوە.
نازناوێکی جامی یەکێتی ئینگڵتەڕا و نازناوێکی جامی خولی ئینگڵتەڕای لەگەڵ یانە ئینگلیزییەکە بەدەستهێناوە.
