چارەنوسی محەمەد سەڵاح بۆ یاری داهاتوو یەکلایی کرایەوە

یاریگا–
محەمەد سەڵاح، هێرشبەری میسڕی یانەی لیڤەرپولی ئینگڵاند هیچ کێشەیەکی نیە و دەتوانێت بەشداری یارییەکەی بەرامبەر ناپۆلی بکات.

یۆرگێن کلۆپ راهێنەری ئەڵمانی رێدز لە کۆنگرەی رۆژنامەوانی یانەکەی بەرامبەر ناپۆلی گووتی ” سەڵاح هیچ کێشەیەکی نیە و دڵنیام کە دەتوانێت بەشداری یاری داهاتوو بکات، یاری رابردوو بەرامبەر کریستال پاڵاس ویستم یاری پێ بکەم، بەڵام دواجار لە بریارەکەم پاشگەز بومەوە و بەشداریکردنی بۆ یاری داهاتووم دوا خست “.

لیڤەرپول شەوی داهاتوو لە گەڕی پێنجەمی قۆناخی کۆمەڵەکانی چامپیۆنزلیگ کاتژمێر 11 بە کاتی هەولێر میوانداری ناپۆلی ئیتاڵیا دەکات.