ئاستۆن ڤیلا وەبەرهێنانێکی نایاب بە دۆگلاس لویزەوە دەکات
یاریگا –
یانەی ئەستۆن ڤیلا نزیکە لە فرۆشتنی یەکێک لە کۆڵەگە سەرەکییەکانی ریزەکانی و دەیەوێ کەڵکێکی زۆر لە فرۆشتنی بگرێت.
روونە کە یانە ئینگلیزیەکە هەڕەشەی سزای یاساکانی سوود و بەردەوامیی لەسەرە و دەبێت لە هەر چالاکییەکی کڕین و فرۆشتندا بە وریاییەوە مامەڵە بکات تا سنووری زیانەکانی لەوەی هەیە زیاتر نەبێت کە سێ وەرزی لەدوای یەکە خەرجییەکی زۆری لە گواستنەوەی یاریزاندا کردووە.
بەگوێرەی زانیارییەکانی فابریزۆ رۆمانۆ، یانەی یوڤێنتۆس و ڤییەلا گەشتوونەتە قۆناخی کۆتایی رێککەوتن لەسەر دۆگلاس لویزی یاریزانی هێڵی ناوەند و، مامەڵەکە جگە لە بڕە پارەیەک بۆ خەزێنەی ئەستۆن ڤیلا، دوو یاریزانی خانمە پیەرەکەیشی لەگەڵدا دەبێت.
🚨⚪️⚫️ Juventus and Aston Villa are moving to final stages of swap deal for Douglas Luiz.
Enzo Barrenechea, Samuel Iling Jr and fee between €25/30m to Aston Villa, Douglas Luiz to Juventus.
Thiago Motta insists to sign Luiz; details to clarify, the deal is 100% on and close. pic.twitter.com/4NNYgE3ohK
— Fabrizio Romano (@FabrizioRomano) June 21, 2024
ئەوەی رۆمانۆ ئاشکرای کردووە، لەگەڵ بڕی 25-30 ملیۆن یۆرۆ، هەردوو یاریزان ئیزنۆ بارینشیای ئەرجەنتینی و ساموێڵ ئیڵینگی ئینگلیزیش لە رێککەوتنەکەدا دەبێت.
تیاگۆ مۆتای تازە دەستبەکاربوو مکوڕە لەسە واژۆکردنی گرێبەست لەگەڵ لویزی بەڕازیلی و رۆمانۆ نووسیویەتی کە وردەکارییەکان نزیکن لەوەی ئاشکرابکرێن و رێكکەوتنەکەیش بە رێژەی 100% روودەدات.
