کیێزا بووەتە ئامانجی گەورەکانی ئەوروپا
میونشن و لیڤەرپوول لە نزیکەوە چاودێری دەکەن
یاریگا –
فێدێریکۆ کیێزا، یاریزانی یوڤێنتوس یەکێکە لە ئامانجەکانی ئەم هاوینەی بایرن میونشن.
تەنیا یەک ساڵ بۆ بەسەرچوونی گرێبەستی کیێزا لە یوڤێنتوس ماوە. فلۆریان پلێتێنبێرگ، رۆژنامەنووسی سکای دۆچلاند بڵاویکردووەتەوە، ناوی کیێزا لە لیستی گواستنەوەی یاریزانانی ڤینسێنت کۆمپانی، راهێنەری میونشندا هەیە.
🚨🔴 🆕 News Federico #Chiesa | He’s also on the shortlist of FC Bayern!
Juventus, open to extend his contract beyond 2025. But the 26 y/o winger is focused on the Euros now. Decision after the tournament.
Understand: a transfer is possible in the summer as he has many… pic.twitter.com/gmFRaVC8R2
— Florian Plettenberg (@Plettigoal) June 17, 2024
بەگوێرەی بەهای ئێستای گواستنەوەی یاریزانان، نرخی کیێزا دەگاتە 40 ملیۆن یۆرۆ، بەڵام پڕۆسەی گواستنەوەکە تاوەکو دوای یۆرۆی 2024 دوادەکەوێت.
یوڤێنتوس ئامادەیە دەستبەرداری کیێزا ببێت، چونکە تەنیا یەک وەرز بۆ بەسەرچوونی گرێبەستەکەی ماوە. لە سەرەتای مانگی رابردوودا، ناوی یاریزانە ئیتاڵییەکە بە لیڤەرپوول بەسترابووەوە، دواتر یانەکانی مانچێستەر سیتی و پاریس سانجێرمانیش چوونە سەرهێڵ.
گواستنەوەیەکی گەرمی یاریزانان چاوەڕێی کۆمپانی دەکات، چونکە ماکسیم چۆپۆ مۆتینگ میونشن جێدەهێڵێت و تەمەنی تۆماس مولەر دەبێتە 35 ساڵ، بۆیە پێویستی بە گۆڕانکاری خێرا و گەورەیە لە هێڵی پێشەوە.
لە وەرزی رابردوودا، کیێزا لەسەر ئاستی تەواوی پاڵەوانیەتییەکان 10 گۆڵی بۆ یوڤێنتوس کرد.
