یاریگا –
بەپێی دوایین پشکینە پزیشکییەکان کیلیان ئێمباپێ پێویستی بە نەشتەرگەری نییە.
رۆژنامەنووسی رادیۆی مۆتی کارلۆ، فابریس هاوکینس بڵاویکردووەتەوە، کیلیان ئێمباپێ ئەمشەو پشکنینی پزیشکی بۆکراوە، دەرکەوتووە پێویستی بە نەشتەرگەری نییە، رەنگە بتوانێت رۆژی هەینی یاری بکات.
کیلیان ئێمباپی لە یەکەم یاری هەڵبژاردەکەی لە یارییەکانی جامی نەتەوەکانی ئەوروپای 2024 بەرامبەر بە نەمسا لە خولەکی 85 بەهۆی بەریەککەوتنێکی توندی لەگەڵ بەرگریکارێکی تیپی بەرامبەر لووتی ئازاری پێگەیشت و یاریگای جێهێشت.
بەر لە پشکنینە پزیشکییەکان یەکێتی تۆپی پیی فەرەنسا رایگەیاند، کیلیان ئێمباپێ لووتی شکاوە، بەرەو نەخۆشخانەی دوسڵدۆرف گواستراوەتەوە و هەر ئەمشەو نەشتەرگەری بۆ دەکرێت.
بەڵام بەگوێرەی زانیارییەکانی فابریس هاوکینس، سەرەڕای ئەوەی کیلیان لووتی شکاوە، بەڵام بەپێچەوانەی دەنگۆ و قسەو باسەکان، یاریزانەکە پێویستی بە نەشتەرگەری نییە.
پشکنینەکان دووپاتیان کردووەتەوە، ئێمباپێ دەتوانێت بە ماسکەوە یاری بکات، بەڵام مەگەر سوپرایزێک رووبدات ئەگینا بەرامبەر هۆڵەندا یاری ناکات، بەڵام جارێ بۆ یاری سێیەم بڕیاری کۆتایی نەدراوە.
🚨🚨Les examens effectués ce soir sont plutôt rassurants et permettent d’ écarter l’hypothèse d’une opération. Cependant le nez de Kylian Mbappé est cassé.
➡️ Le staff de l’equipe de France ne devrait pas prendre de risque cette semaine. pic.twitter.com/usru82G4va
— Fabrice Hawkins (@FabriceHawkins) June 17, 2024
رۆژنامەنووسە فەرەنسییەکە ئاماژەی بەوەش کردووە، پێویستە ستافی هەڵبژاردەی کەڵەشێرەکان لەم هەفتەیە مەترسی لەسەر یاریزانەکە درووست نەکەن.
هەڵبژاردەی فەرەنسا لە کۆمەڵەی چوارەمی پاڵەوانێتییەکە شانبەشانی هەڵبژاردەکانی نەمسا، هۆڵەندا و پۆڵەندا یاری دەکات، لە 21ـی ئەم مانگە و لە رۆژی هەینی لە دووەم یاری خۆیان رووبەڕووی هۆڵەندا دەبنەوە.
چوار رۆژ دواتر و لە کۆتا یاری قۆناخی کۆمەڵەکان بەرامبەر بە هەڵبژاردەی پۆڵەندا یاری دەکەن، کە پۆڵەندیەکان یەکەم یارییان بە هەڵبژاردەی هۆڵەندا دۆڕاندووە.
🚨🚨 Kylian Mbappé a le nez cassé mais pas d’opération, c’était la crainte ❌
🔹Examens rassurants dans le sens où il va porter un masque et pourrait en théorie rejouer vendredi.
🔹Sauf surprise il sera forfait contre les Pays-Bas vendredi.
➡️Pas de décision pour le 3e match pic.twitter.com/DJt9NnbVvi— Fabrice Hawkins (@FabriceHawkins) June 17, 2024
دوابەدوای هەواڵەکانی فابریس هاوکینس، هێرشبەرە فەرەنسییەکە لە پلاتفۆرمی ئێکس نوسوییەتی: هیچ بیرۆکەیەک بۆ بەستنی ماسک (دەمامک) هەیە؟ ئەمەش دووپاتی دەکاتەوە کیلیان لە یارییەکانی داهاتوو بەماسکەوە یاری دەکات.
