رۆناڵدۆ و هیێرۆ هەوڵی رازیکردنی ئەفسانەیەکی مەدرید دەدەن بۆ نەسر
یاریگا –
یانەی نەسری سعودی بە سوود وەرگرتن لە بیرۆکەکانی فێرناندۆ هیێرۆ و کاریگەرییەکانی کریستیانۆ رۆناڵدۆ دەیانەوێ یەکێک بن لە چالاکەکانی بازاڕی گواستنەوەکانی هاوینە و بۆ ئەو مەبەستەیش هەوڵەکانیان بەگەڕخستووە.
نەسر کە وەرزی رابردووی بەبێ هیچ نازناوێک کۆتایی پێهێنا، ئەم مانگە بوو هیێرۆی ئەستێرەی پێشووی ئیسپانیا و ریاڵ مەدریدیان وەک بەرێوبەری نوێی وەرزشی یانەکە دامەزارند. ناوبراو دەیەوێ هاندەرانی یانە سعودیەکە نائومێد نەکات، هەربۆیە بەگوێرەی زانیارییەکانی ئاسی ئیسپانی، لە یەکەم چالاکییدا خۆیدا سێرجیۆ رامۆسی هاونیشتیمانی بگوازێتەوە نەسر. ئەوەیش بە هاوکاری کریستیانۆ رۆناڵدۆ.
🚨 Cristiano Ronaldo and Fernando Hierro are working on convincing Sergio Ramos to join them at Al-Nassr.
(Source: @diarioas ) pic.twitter.com/c2awABOueM
— Transfer News Live (@DeadlineDayLive) June 17, 2024
ئەو هەوڵەی هیێرۆ و رۆناڵدۆ لە کاتێکدایە ئەمرۆ بە فەرمی راگەیەندرا رامۆس بە رێكکەوتنی دوولایەنە کۆتایی بە گرێبەستە یەک ساڵیەکەی هێناوە لەگەڵ سێڤییا و ئەم هاوینە یاریزانێکی ئازادە رووبکاتە هەرکوێ.
هێشتا نازانرێ وەڵامی بەرگریکارە ئەفسانەییەکە چی دەبێت بۆ سعودییەکان، بەوپێیەی هەمان خواستیشی لەسەرە لە خولی ئەمریکیەوە.
