یاریگا –
یاریزانێکی پێشووی ریال مەدرید بە شێوەیەکی دراماتیکی، کچ و کوڕێکی کە خنکان رزگار کرد.
سێرجیۆ ئاریباس، یاریزانی پێشووی یانە مەدریدییەکە لە ماڵدیڤ، کەپڵێکی لە خنکان رزگارکرد، کە ئەویش بۆ بەسەربردنی پشووی هاوینە سەردانی دوورگە ناوازەکانی کردووە.
ئاریباس لەگەڵ خۆشەویستەکەی لە یەکێک لە ڤێلا لوکسەکان، لە نێو مەلەوانگەی تایبەت بەخۆی کاتی بەسەردەبرد، بەڵام لەپڕ هاواری کچێک بیسترا، کە خۆی کەپڵەکەی داوای هاوکارییان دەکرد، هەرزوو ئاریباس و خۆشەویستەکەی خۆیان گەیاندە کەپڵەکە و رزگاریکردن.
😳 ¡Sergio Arribas salva a una pareja de ahogarse en las Maldivas!
🏊🏼♂️ Se lanzó a por ellos cuando escuchó los gritos de socorro
📻 #PartidazoCOPE pic.twitter.com/Z7Gi9PjFIZ
— El Partidazo de COPE (@partidazocope) June 16, 2024
یاریزانی تەمەن 22 ساڵان لە وەرزی رابردوودا بە خواستن لە ریال مەدریدەوە یاری بۆ ئالمێریا کرد و لە کۆی 34 یاری شەش گۆڵی کرد.
ئاریباس بەرهەمی ئەکادیمیای ریال مەدریدە، 14 یاری لەگەڵ تیمی یەکەمدا کردووە و تەنیا خاوەنی گۆڵێکە. لە دوای بەسەربردنی وەرزی رابردوو بە خواستن، ئێستا گرێبەستێکی شەش ساڵەی لەگەڵ ئالمێریا واژۆکرد.
