ئیتۆ پەیوەندی بە بایرن میونشنەوە كرد
یاریگا –
بایرن میونشن بەشێوەیەكی فەرمی هیرۆكی ئیتۆ ناوەڕاستكاری ژاپۆنی یانەی شتوتگارتی گواستەوە ریزەكانی.
هەژماری فەرمی بایرن میونشن لە پلاتفۆرمی ئێكس گواستنەوەی هیرۆكی ئیتۆی بۆ ریزەكانی یانەكەی راگەیاند.
✍️ #FCBayern verpflichtet Hiroki #Ito 🔴⚪
🔗 https://t.co/cR92ufNCJu#ServusHiroki #MiaSanMia pic.twitter.com/vHfviP3b6F
— FC Bayern München (@FCBayern) June 13, 2024
ناوەڕاستكارە تەمەن 25 ساڵانەكە بە بڕی 30 ملیۆن یۆرۆ و بۆ ماوەی چوار ساڵ و تا ساڵی 2028 پەیوەندی بە بایرن میونشنەوە كرد.
لە دوای پەیوەندیكردنی بە بایرنەوە ئیتۆ گوتی:
شانازییەكی گەورەیە بۆ من كە یاری بۆ یەكێك لە گەورەترین یانەكانی جیهان بكەم، تەنانەت لە ژاپۆنیش ناوی بایرن میونشن پێگەیەكی تایبەتی هەیە.
هەموو شتێكم بە شتوتگارت بەخشی و سوپاسگوزاری یانەكەمم، بەوپەڕی تامەزرۆییەوە چاوەڕێی ئاڵنگارییەكانی داهاتووم، دەمەوێت بەشداری لە بردنەوەی چەندین نازناو لەگەڵ بایرن میونشن بكەم، كاتی ئەوە هاتووە هەنگاوێكی نوێ و بۆ پێشەوە بنێم بۆ منیش بایرن یانە گونجاوەكەیە بۆ گەیشتن بە خەونەكانم.
ئیتۆ وەرزی رابردوو لەگەڵ شتوتگارت بەشداری لە 29 یاریدا كرد و توانی دوو گۆڵ درووست بكات.
