کارڤاخال لەبارەی وێنە و ڤیدیۆیەکانی خۆی و باوکە پۆلیسەکەی هاتە دەنگ و پەیامێکی بڵاوکردەوە
یاریگا –
وێنە و ڤیدیۆیەکانی کارڤاخال لەگەڵ باوکە پۆلیسەکەی هەموو سۆشیاڵ میدیای تەنیوەتەوە و وای لە بەرگریکارەکەی ریال مەدرید لەبارەی وێنەکانی خۆی و باوکی بێتە دەنگ و پەیامێک بڵاو بکاتەوە.
رۆژی یەکشەممە کاتێک یاریزانانی ریال مەدرید لە شەقام و شوێنە گشتییەکانی مەدرید ئاهەنگی بەدەستهێنانی چامپیۆنزلیگیان دەگێڕا، وێنە و ڤیدیۆی دنای کارڤاخال و باوکی بڵاوبووەوە، کە ماریانۆ کارڤاخال باوکی دانی کارڤاخال وەکو پۆلسێک بۆ پاراستنی ئاسایشی شارەکە خەریکی راپەڕاندنی ئەرکەکەیەتی.
ماریانۆ کارڤاخال کە پۆلیسی شاری مەدریدە، بەشێک بوو لەو پۆلیسانەی بە شەقامەکانی پایتەختی ئیسپانیادا بڵاوکرابوونەوە بۆ ئەوەی ئاسایشی ئاهەنگەکانی یانە ئیسپانییەکە بپارێزن، نزیکەی 250 هەزار هاندەری ریال مەدرید بەشدارییان لەو ئاهەنگ و رێوڕەسمانەدا کرد
Nice story here as Dani Carvajal’s father Mariano, who is a policeman, is on a horse escorting Real Madrid’s celebratory bus parade. pic.twitter.com/29t1hKphDz
— Sam Leveridge (@samleveridge) June 2, 2024
ماڵپەڕی ئەتلەتیکی ئەمریکی ئاشکرایکردووە، ماریانۆ پۆلیسی پشکنەرە بەڵام لە خۆشی گۆڵی کوڕەکەی لە یاریی کۆتایی چامپیۆنزلیگ و پاڵەوانبوونی ریال مەدرید بڕیاریداوە لە گۆڕەپانی سیبێلێس یاوەری پاسی یانەی کوڕەکەی بکات.
هەرچەندە سەرەتا باوکی کارڤاخال ئامادە نەبوو وێنە لەگەڵ جامەکەدا بگرێت، چونکە نەیدەویست رێنمایی و پرۆتۆکۆلی پیشەکەی بشکێنێت و پێشێلی کارەکەی بکات، بەڵام بەهۆی پێداگیری کوڕەکەی دواجار رازی بوو وێنەیەک لەگەڵ دانی بگرێت.
لە یەکێک لە گرتە ڤیدیۆییەکاندا دەردەکەوێت کاتێک کارڤاخال جامەکەی چامپیۆنزلیگ دەداتە باوکی، باوکی لە وەرگرتنی جامەکە دوودڵ دەردەکەوێت.
El papá de Dani Carvajal, policía retirado de la caballería, volvió a montar solo para escoltar el micro del Real Madrid en los festejos por la 15ª Champions.
El propio Dani fue a buscarlo para posar junto a él su sexta Orejona.
Qué hermoso. 🤍🇪🇸
— Ataque Futbolero (@AtaqueFutbolero) June 3, 2024
دوای ئەوەی وێنە و ڤیدیۆیەکانی کارڤاخال و باوکی سۆشیاڵ میدیایان تەنییەوە، بەرگریکارەکەی ریال مەدرید هاتە دەنگ و لە هەژماری خۆی لە ئینستاگرام وێنەیەکی خۆی و باوکی داناوە و پەیامێکی ئاڕاستەی باوکی کردووە.
شانازی دەکەم لەم ساتەوەختە باوەڕپێنەکراوەدا لەگەڵ ئێوە بووم. بینینەوەی تۆ دوای چەندان ساڵ سواری ئەسپ بیت، تەنها بۆ ئەوەی دڵخۆشم بکەیت، پڕم دەکات لە شانازی. ئەمە یادەوەرییەکە کە نەوەکانت بۆ تەمەنێک لەبیریان دەمێنێتەوە، زۆرترین هەست و سۆز لە یەک وێنەدا.
سوپاس باوکە کە باشترین بوویت و فێری مانای ڕاستەقینەی خۆشەویستی بێ مەرج و بەهای هەوڵ و قوربانیدان لەپێناوی کەسێک کە خۆشت دەوێت کردم.بە دڵم خۆشم دەوێی
View this post on Instagram
هاندەرانی تۆپی پێ خێرا دیمەنەکەیان لە سۆشیال میدیا بڵاو کردەوە و گوتیان:
“هەموو شتێک لەم تیپەدا وەک خێزانێک وایە”
یەکێکی تریش پۆستێکی کردووە و دەڵێت:
کوڕەکەی یاری بۆ ریال مەدرید دەکات، لەگەڵ ئەوەشدا هێشتا کار دەکات، سەرسوڕهێنەرە.
View this post on Instagram
کارڤاخال هیچکات پەیوەندی باشی خۆی لەگەل خێزانەکە نەشاردووەتەوە و هەمووکات لە یاریگادا پاڵپشتی کورەکەیان کردووە. یەکێک لەوکەسانەی بەردەوام لە یاریگادا بینراوە پاتریشیا کارڤاخالە کە دەبێتە خوشکی بەرگریکارەکە و هەروەها دافنی کانیزارێس هاوسەری یاریزانەکە لەگەڵ دوو کوڕەکانی ( مارتین و ماورۆ) بەردەوام پاڵپشتیان کردووە.
View this post on Instagram
