هێنری لیستی یاریزانانی هەڵبژاردەی ئۆڵێمپی فڕەنسای بۆ ئۆڵێمپیادی پاریس راگەیاند
یاریگا –
هێنری لیستی یاریزانانی هەڵبژاردەی ئۆڵێمپی فڕەنسای بۆ ئۆڵێمپیادی پاریس راگەیاند و هیچ یاریزانێکی ریال مەدریدی بانگهێشت نەکردووە.
تێری هێنری راهێنەری هەڵبژاردەی ئۆڵێمپی فڕەنسا لیستی یاریزانانی هەڵبژاردەکەی بۆ ئۆڵێمپیادی پاریس راگەیاند و بانگهێشتی کیلیان ئێمباپێی نەکردووە، کە فڕەنسا لە ئۆڵێمپیادی پاریس هاوشانی ئەمریکا و غینیا و نیوزیلاند یاریی دەکات، رۆژی 24ـی مانگی داهاتوو یارییەکانی تۆپی پێ لە ئۆڵێمپیادی پاریس دەستپێدەکەن.
👨🎨 Une 𝙥𝙧𝙚́-𝙡𝙞𝙨𝙩𝙚 à 2️⃣5️⃣ noms 📋
Découvrez les joueurs appelés par Thierry Henry pour préparer les 𝙅𝙚𝙪𝙭 🇫🇷👊#BleuCollectif pic.twitter.com/qp1YK3QEC8
— Equipe de France ⭐⭐ (@equipedefrance) June 3, 2024
هێنری لە لیستی یاریزانەکانی هەڵبژاردەکەی کە لە 25 یاریزان پێک دێت، ئالێکساندەر لاکازێت (لیۆن) و زایری ئێمری (پاریس سانجێرمان) و کێپرین تورام (نیس) لە دیارترین ئەو یاریزانانەن هێنری بانگهێشتی کردوون کە زۆربەی یاریزانەکان لە خولی فڕەنسی یاریی دەکەن.
پێشتر تێری هێنری رایگەیاندبوو، ئارەزوو دەکات کیلیان ئێمباپێ و چەند ئەستێرەیەک بانگهێشتی ئۆڵێمپیادی پاریس بکات، بەڵام یانەی ریال مەدرید رەتیکردەوە رەزامەندیی بدات هیچ یاریزانێکی یانەکەی بەشداریی یارییەکانی ئۆڵێمپیاد بکەن.
لیستی یاریزانانی هەڵبژاردەی ئۆڵێمپی فڕەنسا:
گۆڵپارێز: لوکاس چیڤالیێر، گیلێمی رێستێس، عوبێد ئێنکامبادیۆ.
بەرگری: بافۆدێ دیاکاتێ، برادلی لۆکۆ، کیلیان سیلدیلیا، لێنی یۆرۆ، ماکسیم ئێستیڤ، کاستییۆ لوکێبا، ئادریێن تروفێرت.
ناوەڕاست: ماگنێس ئالیۆچی، دێسایی دۆوێ، ئێنزۆ میلۆت، لێسلی ئوگۆچوکۆ، یۆریس چۆرتید، مانو کۆنێ، کێپرین تورام، وارین ئێمری زایری.
هێرشبەر: برادلی بارکۆلا، ئالێکساندەر لاکازێت، میشێل ئۆلیس، ئارنارد کالیموێندۆ، یان فیلیپ ماتێتا، ماتیس تێل.
