دۆرتموند چارەنووسی تێرزیچ یەکلایی دەکاتەوە
یاریگا –
بۆڕووسیا دۆرتموند ئامادەکاری بۆ نوێکردنەوەی گرێبەستی ئێدین تێرزیچ دەکات.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، دوای بەڕێکردنی وەرزێکی نایاب لە چامپیۆنزلیگ، ئیدارەی دۆرتموند ئامادەکاری بۆ نوێکردنەوەی گرێبەستی راهێنەرەکەی دەکات.
تێرزیچ لە نیوەی یەکەمی وەرزی 2023/24 لەگەڵ دۆرتموند بەباشی دەستیپێنەکرد، بەڵام لە نیوەی دووەم بۆچوونی هەمووانی گۆڕی و ئاستی تیپەکە گۆڕانکاری گەورەی بەخۆیەوە بینی.
🚨🟡⚫️ Borussia Dortmund board, prepared for new meeting with Edin Terzic to extend his contract after excellent season in Champions League.
Terzic has been able to change the feelings about his work in the second part of the season and he will be offered a new deal. pic.twitter.com/7GKFvTZek4
— Fabrizio Romano (@FabrizioRomano) June 3, 2024
زەردەواڵەکانی ئەڵمانیا دوای 12 ساڵ جارێکی دیکە خۆیان گەیاندە یاری کۆتایی چامپیۆنزلیگ، بەڵام 2-0 بە ریال مەدرید دۆڕان و نازناوەکەیان لەدەستدا،
یانەکە لە بۆندسلیگاش بە کۆکردنەوەی 63 خاڵ پلەی پێنجەمی بەدەستهێنا و سەرکەوتنی بۆ وەرزی داهاتووی چامپیۆنزلیگ مسۆگەر کردووە.
لەپای دەستکەوتە باشەکانی لەو وەرزەدا، ئیدارەی بۆڕووسیا دۆرتموند دەیەوێت پاداشتی تێرزیچ بکات و گرێبەستەکەی نوێدەکاتەوە، کە گرێبەستەکەی ئێستای لە هاوینی داهاتوو بەسەردەچێت.
چیرۆکێکی سەرنجڕاکێشی ئێدین تێرزیچ؛ لە هاندەرێکی بۆڕووسیا دۆرتموندەوە بۆ راهێنەری یانەکە
