یاریگا –
نۆڤاک جۆکۆڤیچی سربی خاوه‌نی پله‌ی یەکەمی ریزبه‌ندی یاریزانانی تێنسی جیهان، هەناسەیەکی ئارام هەڵمژی و گەیشتە قۆناخی دووەمی پاڵەوانێتی رۆلان گارۆس كه دووەم پاڵەوانێتی گەورەی تێنسە.
نۆڵی به سێ كۆمه‌ڵه‌ی بێ وه‌ڵام سه‌ركه‌وتنی به‌رامبه‌ر پیێر هیوگس هێربێرتی فەرەنسی به‌ده‌ستهێنا خاڵی كۆمه‌ڵه‌كانیش، (6-4)(7-6)(7-3) بوو.
Novak Djokovic vs Pierre-Hugues Herbert, their first meeting at Roland-Garros 🎬
Check out the highlights by @emirates 👇#RolandGarros pic.twitter.com/QZl7Adx3o8
— Roland-Garros (@rolandgarros) May 28, 2024
یاریزانه سڕبیه‌كه لە کۆنگرە رۆژنامەوانییەکەی دوای یارییەکە گوتی، لەو ساتانەی کە گرنگ بوو، خاڵی گرنگم به ده‌ستهێنا، پێموایە یارییەکی باشم کرد، سەرنجم لەسەر پاڵه‌وانه‌تیه‌كه‌یه.
گوتیشی، ئه‌مه ته‌نها سه‌ره‌تاییه، ده‌مه‌وێت بگه‌رێمه‌وه لووتكه‌ی ئاستم، له ماوه‌ی رابردوو هه‌ستم به ماندووبوون كردووه، كاتی گه‌ڕانه‌وه‌یه بۆ بردنه‌وه‌ی نازناوه‌كان.
جۆکۆڤیچ له پاڵەوانێتی رۆلان گارۆس، لە ساڵانی 2016 و 2021 و 2023 نازناوه‌كه‌ی بەدەستهێنا، لە چوار یاریی كۆتایشدا دووچاری شكست بووه، له‌م وه‌رزه‌ش ئه‌نجامه‌كانی باش نه‌بووه.
براوەی 24 نازناوی گراند سلام، بەدوای یەکەم نازناوی ئه‌م وه‌رزه ده‌گه‌رێت له كۆی 20 به‌شداریكردنی بۆ جاری بیسته‌م گه‌یشته قۆناخی دووەم.
Novak 🔜 Round 2
Here’s what he had to say on court after his win against Herbert ✨#RolandGarros pic.twitter.com/tv4Fo2yKBO
— Roland-Garros (@rolandgarros) May 28, 2024
له پاڵه‌وانیه‌تی رۆلان گارۆس كه یاریگاكه‌ی گڵه رافایل نادال خاوه‌ن زۆرترین نازناوه به بردنه‌وه‌ی 14 كه به پاشای یاریگای گڵ ناسراوه، له دوای ئه‌ویش نۆڤاك جۆكۆڤیچ دێت كه سێ نازناوی به‌ده‌ستهێناوه و ده‌یه‌وێت ژماره‌ی نازناوه‌كانی له‌م پاڵه‌وانه‌تیه‌كه به‌رزبكاته‌وه بۆ چوار نازناو.
کۆی گشتی خەڵاتەکانی رۆلان گارۆسی ئەمساڵ لەسەر ئاستی پیاوان دەگاتە زیاتر لە 17 ملیۆن دۆلار، کە پاڵەوانێتییەکە تاوەکو رۆژی 9ـی مانگی داهاتوو دەخایەنێت.
