یاریگا –
یانەی بایرن میونشنی ئەڵمانی دەچێتە كێبڕكێی بەدەستهێنانی یەكێك لە ئامانجە گەورەكانی یانەی بارسێلۆنای ئیسپانی.
بارسێلۆنا بۆ وەرزی نوێ هەوڵی بەهێزكردنی ریزەكانی یانەكەی دەدات، دوای ئەوەی لەم وەرزەدا نەیانتوانی هیچ نازناوێك بەدەستبهێنن.
یانە كەتەلۆنییەكە بو دوورخستنەوەی چاڤی هێرناندێزی راهێنەری چالاكییەكانی وەرزی نوێی دەستپێكرد.
🇪🇸 Nico Williams, en el radar del Bayern. Está en la lista para el verano y se desplazarán a verlo en la Eurocopa.
Su cláusula, poco menor de 60M, es asumible por el club. La vía alemana no es la que más enteros tiene, sobre el papel.
ℹ️ En @relevo https://t.co/202Jt8TXre
— Jonathan Ramos (@JoniRamos) May 27, 2024
بەپێی زانیارییەكانی تۆڕی رێلیڤۆ، بایرن میونشن گرنگی بە گواستنەوەی نیكۆلاس ویلیامس ئەستێرەی یانەی ئاتلێتیك بیلباوی ئیسپانی دەدات.
وەرزی رابردوو بارسێلۆنا لە هەوڵدا بوو بۆ بەدەستهێنانی واژۆی هێرشبەرە ئیسپانیەكە، بەڵام بەهۆی قەیرانی داراییەوە نەیانتوانی بیگوازنەوە.
گرێبەستەكەی ویلیامس لەگەڵ ئاتلێتیك بیلباو لە هاوینی ساڵی 2027 بەسەردەچێت و بڕی هەڵوەشاندنەوەی گرێبەستەكەی 60 ملیۆن یۆرۆیە.
یاریزانە تەمەن 21 ساڵانەكە لەم وەرزەدا ئاستێكی بەرزی پێشكەشكرد و بەهۆیەوە لەلایەن خوسێ لویس دێلا فوێنتێی راهێنەری ئیسپانیاوە بانگهێشتی یۆرۆ كرا
ویلیامس لەم وەرزەدا 37 یاری كردووە توانیویەتی هەشت گۆڵ بكات و17 گۆڵیش درووست بكات.
