یاریگا –
چێڵسی لەگەڵ ئینزۆ مارێسکا لە گفتوگۆکانی زیاتر بەرەو پێشەوە چووە و نزیکە ببێتە راهێنەری بلووز.
فابریزیۆ رۆمانۆ رۆژنامەنووسی بەناوبانگی ئیتاڵی ئاشکرایکردووە، چێڵسی و ئینزۆ مارێسکا لە گفتوگۆکانی نێوانیان زیاتر بەرەو پێشەوە چوون و ئەو راهێنەرە ئیتاڵییە زۆر تامەزۆریە بۆ ئەوەی ئەرکی راهێنەرایەتی بلووز بگرێتە ئەستۆ و تاوەکو ئێستا هیچ بەربستێک لە بەردەم گفتوگۆکانیان دروست نەبووە.
ئینزۆ مارێسکا کە هاوینی ساڵی رابردوو ئەرکی راهێنەرایەتی لێستەر سیتی گرتە ئەستۆ لەگەڵ لێستەر لە 53 یاری 36 بردنەوە و 13 دۆڕان و 4 یەکسانبوونی بەدەستهێنا.
🚨🔵 Chelsea are advancing in talks to appoint Enzo Maresca as new head coach.
Positive talks over the weekend, he’s 100% keen and excited by #CFC project.
No issues on Maresca’s contract already being discussed — talks to follow with Leicester City over €10m compensation fee. pic.twitter.com/ErZWLZPBrC
— Fabrizio Romano (@FabrizioRomano) May 27, 2024
چێڵسی جگە لەوەی پێویستە لەگەڵ مارێسکا بگاتە رێککەوتن و لەبارەی بەندە کەسییەکانیان گرێبەست واژۆ بکەن، دەبێت بلووز لەگەڵ لێستەر سیتی گفوتگۆ بکات و ئەو یانە رازی بکات دەستبەرداری مارێسکا بێت کە ئەو یانە ئینگلیزە لە بەرامبەر دەستبەرداربوونی لە راهێنەرە ئیتاڵییەکە داوای 10 ملیۆن یۆرۆ قەرەبوو دەکات.
مارێسکا هاوشانی رۆبیرتۆ دی زێربی و تۆماس فرانک بەربژێرە بۆ ئەوەی لەشوێنی ماوریسیۆ پۆچێتینۆ ئەرکی راهێنەرایەتی چێڵسی بگرێتە ئەستۆ.
