ئارسیناڵ هاندەرەکانی نیگەران دەکات

یاریگا –

ئارسیناڵ بۆ ساڵی دووەم لەسەریەک، نرخی بلیتەکانی بەرزدەکاتەوە.

رۆژنامەی میرەر بەپشتبەستن بە توێژینەوەیەکی ناوەندی ریچ دەیتا یونت – Reach Data Unit بڵاویکردووەتەوە، 70 یانەی پرێمەرلیگ و پلەکانی دیکەی ئینگلتەرا نرخی بلیتەکانی یاریی وەرزی داهاتوویان بڵاوکردووەتەوە. ئارسیناڵ بەراورد بە وەرزی رابردوو، یەکێکە لەو یانانەی بەڕێژەی 10% نرخی بلیتەکانی زیادکردووە.

بۆ وەرزی داهاتوو نرخی هەرزانترین بلیتی وەرزیی ئارسیناڵ بریتییە لە 1,073 پاوەند، بەراورد بە وەرزی رابردوو 100 پاوەند زیادبووە.

ئارسیناڵ لە هەموو یانەکانی دیکە زیاتر نرخی بلیتەکانی بەرزکردووەتەوە و ئەمە گەورەترین بەرزبوونەوەی نرخی کەلوپەل و خزمەتگوزارییە لە بەریتانیا.

لە ماوەی 10 ساڵی رابردوودا، ئارسیناڵ بەڕێژەی 5.8% نرخی بلیتەکانی بەرزکردووەتەوە.

جیا لە ئارسیناڵ، نرخی هەرزانترین بلیتی وەرزیی 47 یانەکانی دیکە بەڕێژەیی 35 پاوەند زیادبووە، کەچی 19 یانە نرخی بلیتیەکانیان وەک خۆی هەشتووەتەوە.