مانچێستەر سیتی یاریزانێکی گرانبەهای بەڕێدەکات
تەنیا دوای وەرزێک لە گواستنەوەی!
یاریگا –
یانەی مانچێستەر سیتی ئینگلیزی ماتیۆس نونێسی پۆرتوگالی بەڕێدەکات.
رۆژنامەنووسی ماڵپەڕی HITC گرام بەیڵی بڵاویکردووەتەوە، مانچێستەر سیتی بەنیازە لەم هاوینە دەستبەرداری ماتیۆس نونێسی پۆرتوگالی ببێت.
بەگوێرەی زانیارییەکانی بەیڵی، یانە ئینگلیزییەکە ئامادەیە لە مێرکاتۆی هاوینە گوێ بۆ ئەو ئۆفەرانە بگرێت، کە بۆ دەستبەرداربوون لە یاریزانەکە پێشکەشی دەکرێت.
Manchester City are ready to listen to offers for Matheus Nunes just one year after signing the Portugal international in a £53 million deal from Premier League rivals Wolves as clubs in Saudi Arabia circle.
with @dantowen8195 https://t.co/KjqAVQMuyu
— Graeme Bailey (@GraemeBailey) May 24, 2024
هەر بەپێی هەمان سەرچاوە، یانەکانی سعودییە چاویان بڕیووەتە تواناکانی یاریزانە تەمەن 25 ساڵانییەکە و دەیانەوێت بەرەو خولی رۆشەن بیگوازنەوە.
نونێز لە هاوینی رابردوو بە بڕی 62 ملیۆن یۆرۆ لە وۆڵڤزی ئینگلیزییەوە پەیوەندی بە سیتیزن کرد و گرێبەستێکی پێنج وەرزەی لەگەڵ یانەکەی شاری مانچێستەر واژۆ کرد.
لەم وەرزە لە سەرجەم پاڵەوانێتییەکان بەشداری 31 یاری یانەکەی کردووە، بەکۆی گشتی 1,540′ خولەک یاری کردووە، هیچ گۆڵێکی نەکردووە و 5 گۆڵی درووستکردووە.
Welcome, Matheus Nunes! 👋 pic.twitter.com/Ba4vExfLAz
— Manchester City (@ManCity) September 1, 2023
