یاریگا –
یانەی چێڵسی لە کۆتاییدا نرخی خستەر سەر رومێلۆ لوکاکۆی یاریزانی کە بۆ سێ ساڵ دەچێت بە خواستن نێردراوەتە یانە جیاوازەکانی ئیتاڵیا.
هێرشبەرە بەلجیکیەکە لە دوو سەردەمی جیاوازدا درێسی بلووزی پۆشیوە، یەکەم جار لە وەرزی 2011 تا 2014 و پاشان و دوایی چوونە دەرەوەی لە لەندەن بە یەکجاریی، یانەکانی ئیڤەرتن و مانچێستەر یونایتد و ئینتەر میلانی تاقیکردەوە تا ساڵی 2021 جارێکیتر گەڕایەوە بۆ چێڵسی، بەڵام هەرزوو لە دیمانەیەکدا رایگەیاند کە لەو یانەیە دڵخۆش نییە بەهۆی جیاوازیی سیستمی یاریکردن بەراورد بە ئینتەر. ئەوە بوو بە خواستن نێردرایە ریزەکانی نێرازۆری و جارێکیتر درێسی یانە ئیتاڵییەکەی پۆشی. ئەوان ئامادە نەبوون وەک یاریزانی هەمیشەیی بیکڕن، هەربۆیە هاوینی 2023 نێردرایە رۆما و ئەم جارەیش هەر بە خواستن.
بەگوێرەی زانیارییەکانی ماڵپەڕی فوتباڵ ئینسایدەری ئینگلیزی، چێڵسی دەیەوی وەبەرهێنان بە لوکاکۆوە بکات تا لە ئاستی خۆیدایە، بەوپێیەی ئەم وەرزە لەگەڵ گورگەکانی پایتەختی ئیتاڵیا لە 31 یاریی سێریائەی توانیویەتی 12 گۆڵ تۆمار بکات و 3 ئەسیستیش بکات. لە یۆرۆپالیگیش ئاستێکی بەرزی پێشکەشکرد لە 13 یاریدا 7 جار تۆڕی گۆڵی رکابەرەکانی هەژاند و گۆڵێکیشی دروست کردبوو. ئەوەیش وایکردووە بلووز داوای 35 ملیۆن پاوەند بکەن لە بەرانبەرن هەر یانەیەک نیازیان لە کڕینی گۆڵکارە 31 ساڵانەکەیان هەیە.
🚨 Chelsea will accept an offer in the region of £35m for 31-year-old striker Romelu Lukaku.
(Source: Football Insider) pic.twitter.com/Ji0D6jqHzM
— Transfer News Live (@DeadlineDayLive) May 15, 2024
