یاریگا –
پێشهاتی چاوەڕواننەکراو لە مانچێستەر یونایتد ڕووی داوە بۆ دەستنیشانکردنی راهێنەری نوێ دوای کۆتاییهاتنی وەرزەکە.
لە ماوەی رابردوودا ناوی چەند راهێنەرێکی دیار، لەوانە زینەدین زیدان، تۆماس توخێل و تەنانەت بەم دواییانەیش باس لەوە دەکرا جۆزێ مۆرینهۆ مەیلی گەڕانەوەی هەیە، زۆرترین ئەو دەنگۆیانە بوون بە پۆستەکەی دوای ئێریک تێن هاخەوە دەبەستران.
کەمێک پێش ئێستا سانتی ئاونای رۆژنامەنووس زانیاریی نوێی ئاشکرا کردووە کە بووەتە جێی بایەخی زۆرێک لە سەرچاوەکان، مان یونایتد و بریکاری کارەکانی کیران مەککێنای راهێنەری ئیپسویچ تاون کۆبوونەوەیان ئەنجام داوە بۆ گەیشتن بە ڕێککەوتن بۆ پێدانی پۆستەکە.
🚨EXCL: 🔴🏴 #PL |
🆕️ Kieran McKenna is a also a candidate to become the next manager of Manchester United.
➡️ There has been a meeting in recent days between the Red Devils and Kieran McKenna's agent
✅️ Gareth Southgate is still a top target and he is keen on the job but… https://t.co/c6tOaBwOFj pic.twitter.com/cExjMUQdyn
— Santi Aouna (@Santi_J_FM) May 14, 2024
ئاونای رۆژنامەنووس ئەوەشی نووسیوە کە هێشتا گاریس ساوسگەیت ئامانجی یەکەمە و خودی راهێنەرەکەیش پەرۆشە بۆ ئەو ئەرکە، بەڵام یونایتد دوودڵن لەوەی کەی هەڵبژاردەی ئینگلتەرا ڕێگە بە رۆیشتنی ساوسگەیت دەدەن بۆ رۆیشتن.
مەککێنا توانی ئیپسویچ تاون بگەیەنێتە رکابەرییەکانی خولی ئینگلیزی بۆ وەرزی داهاتوو.
ئەو راهێنەرە پێشتر لە سەردەمی جۆزێ مۆرینهۆ، سۆڵشایەر و راڵف راگنیک متمانەی ئەوەی پێدراوە رۆلێ هەبێت لە دەستە راهێنەرایەتی یانەکە.
بۆ زانینی زیاتر لەسەر مەککێنا و سەرکەوتنەکانی پشت ئیپسویچ تاون، خوێنەری ئەم بابەتەبن:
هەموو شتێک بزانە؛ سەرکەوتنی ئیپسویچ تاون چ پەیوەندی بە مۆرینیۆوە هەیە
