یاریگا –
وا دیارە یانەی ناپۆلی لە مکوڕبوونی خواستی پاریس سانجێرمان تێگەشتووە لەمەڕ هەوڵەکانی یانە فەرەنسیەکە بۆ پەلکێشکردنی خڤیچکا کڤاراتسخێلیا.
شەوی رابردوو کیلیان ئێمباپێ بەفەرمی رۆیشتنی لە پی ئێس جی راگەیاند و هاوین بارگەوبەنی دەپێچێتەوە. هەر ئەوەیش وایکرد ناسر خلێفی و کارگێڕی یانەکە ناچار بکات هەرچی زوو لەگەڵ شوێنگرەوەیەکی گونجاودا ڕێککەوتن بکەن و دڵی هاندەرانیان ئاشت بکەنەوە. بۆ ئەو مەبەستەیش بکەونەوە ڕاوی ئەو ئەستێرە جۆرجیە. بەڵام ناپۆلیش بە کۆمەڵێ ڕێوشوێنی ماددی دەیەوێ هەوڵی لایەنی فەرەنسی شکست پێبهێنێ.
بەگوێرەی نوێترین زانیاری کە رۆژنامەنووس سانتی ئاونا بڵاوی کردووەتەوە، یانە ئیتاڵییەکە دەیانەوێ مووچەی کڤارا بۆ شەش هێندە زیاد بکەن. ئەوە و هەروەها مەرجێک بخەنە گرێبەستەکەیەوە کە بڕی هەڵوەشاندنەوەکەی 150 ملیۆن یۆرۆ بێت.
🚨 Napoli want to extend the contract of Khvicha Kvaratskhelia and are ready to multiply his salary by 6 by including a release clause of around €150M! ✍️🇬🇪
The club is not open to a sale this summer and any club that wants to buy him will have to overpay for a transfer. 💰… pic.twitter.com/gqISzrHTD6
— Transfer News Live (@DeadlineDayLive) May 11, 2024
گرێبەستی 23 ساڵانەکە لە 2027 بەسەر دەچێ، بەڵام ناپۆلییەکان دەیانەوێ بۆ ماوەیەکی زیاتر بیهێڵنەوە. هەر بۆیە بەپێی رۆژنامەنووسی ناوبراو، نایانەوێ ئەم هاوینە بیفرۆشن، هەر یانەیەکیش بیەوێ لێیان بکڕێت، دەبێت ئەو پارەیە بدات کە بۆ نرخی یاریزانەکەیان دیاریان کردووە.
کڤارا لەم وەرزەی خولی ئیتاڵی لە 32 بەشدارییدا دە گۆڵی تۆمارکردووە و شەش ئەسیستیشی هەیە. لە چامپیۆنزلیگیش لە هەشت یاریدا تەنها ئەسیستێکی هەبوو.
