یاریگا –
راپۆرتە رۆژنامەوانیەكان پلانی یانەی مانچێستەر یونایتدی ئینگلیزیان بۆ یارییەكانی وەرزی نوێ ئاشكرا كرد.
وا بڕیارە رۆژی شەشی مانگی داهاتوو كریستاڵ پاڵاس لە یاریگای سەلهێرست پاركی تایبەت بە خۆی میوانداری مانچێستەر یونایتد بكات، لە میانی یارییەكانی هەفتەی 36ی پرێمەرلیگ.
🎯 @Antony00 on target 🇧🇷#MUFC pic.twitter.com/68VSfuxEHt
— Manchester United (@ManUtd) April 28, 2024
بەپێی سەرچاوە رۆژنامەوانیەكانی بەریتانیا، سێر جیم راتكلیف خاوەنی نوێی مانچێستەر یونایتد بەنیازە گۆڕانكاری زۆر لە یانەكەیدا بكات.
لە راپۆرتێكی دەیلی تێلیگرافدا هاتووە، ئیدارەی مانچێستەر یونایتد بیر لە چارەسەركردنی قەیرانەكانی یانەكەی دەكاتەوە، بەتایبەت كێشەی یاسای یاری خاوێن، هەروەها كێشەی دابەزینی ئاستی یانەكە و نەگەیشتنیان بە خولی یانە پاڵەوانەكانی ئەوروپا.
🚨 Manchester United are prepared to sell most of their squad this summer – including the likes of Marcus Rashford.
Rising stars like Hojlund, Garnacho and Mainoo are the only ones NOT FOR SALE.
(Source: @TelegraphDucker) pic.twitter.com/0EiSxxg2In
— Transfer News Live (@DeadlineDayLive) April 29, 2024
لە راپۆرتەكەشدا هاتووە، ئیدارەی شەیتانە سوورەكان بڕیاریداوە بۆ وەرزی نوێ تەواوی یاریزانەكانی بۆ فرۆشتن دابنێت، هەریەك لە برۆنۆ فێرناندێز و ماركۆس راشفۆرد لە سەرەوەی لیستەكە دێن.
ئاماژە بەوەشكراوە، ئەو سێ یاریزانەی كە هێڵی سووری مانچێستەر یونایتدن و دەستلێدان لێیان قەدەخەیە بریتین لە كۆبی ماینۆ، ئالیخاندرۆ گارناچۆ و راسموس هۆیلوند.
مانچێستەر یوناتد بە كۆكردنەوەی 54 خاڵ لە ریزبەندی شەشەمی پرێمەرلیگ دێت.
