یاریگا –
لیۆن گۆرێتزكا، ئەستێرەی ئەڵمانی و یانەی بایرن میونشنی هەمان وڵات باس لە داهاتووی لەگەڵ یانەكەی دەكات.
لە ماوەی رابردوودا زۆربەی سەرچاوەكان باسیان لەوە دەكرد، لە كۆتایی وەرزدا گۆرێتزكا ریزەكانی یانەكەی جێدەهێڵێت.
گرێبەستەكەی گۆرێتزكا لەگەڵ بایرن میونشن لە هاوینی ساڵی 2026 بەسەردەچێت.
🔴🇩🇪 Leon Goretzka on his plans for the future: “From my point of view, everything is clear – my contract runs until 2026, and there's no reason to think about a move”, told @altobelli13. pic.twitter.com/y1Z4Cli42W
— Fabrizio Romano (@FabrizioRomano) April 23, 2024
لە لێدوانەكانیدا بۆ بێڵد كە فابریزیۆ رۆمانۆ لە هەژماری تایبەتی خۆی لە پلاتفۆرمی ئێكس بڵاویكردووەتەوە، گۆرێتزكا گوتی:
بە بڕوای من هەموو شتێك بۆ هەمووان روونە، گرێبەستەكەم لەگەڵ یانەكەم تا ساڵی 2026ە.
پێموایە هیچ هۆكارێك نییە بۆ ئەوەی لە گواستنەوەكانی هاوینەدا ریزەكانی بایرن میونشن جێبهێڵم، وەك چۆن لەم دواییانەدا بڵاو بووەتەوە، بە شێوەیەكی ئاسایی لەگەڵ یانەكەم بەردەوام دەبم.
گۆرێتزكا لەم وەرزەی بۆندسلیگادا بەشداری لە 26 یارییدا كردووە و توانیویەتی پێنج گۆڵ بكات و حەوت گۆڵیش درووست بكات.
