وۆڵکەر بەرامبەر ریال مەدرید یاری دەکات؟
یاریگا –
کایڵ وۆڵکەری بەرگریکاری مانچێستەر سیتی بۆ یارییەکەی ریال مەدرید ئامادە نابێت.
پێپ گواردیۆلای راهێنەری مانچێستەر سیتی، لە کۆنگرەیەکی رۆژنامەوانی پێش یارییەکەیان بەرامبەر ئاستۆن ڤێلا رایگەیاند، پزیشکەکان پێیان گوتووە، وۆڵکەر ناتوانێت بەرامبەر ریال مەدرید یاری بکات.
پزیشکەکان گوتیان ووڵکەر هەفتەی داهاتوو ناتوانێت بەرامبەر ریال مەدرید یاری بکات، بەڵام کایڵ کایڵە… جیناتێکی تایبەتی هەیە، پزیشکەکان سوورن لەسەر ئامادە نەبوونی، بەڵام کایڵ، کایڵە!
🚨🎙️| Pep Guardiola: “The doctor said that Kyle Walker will not be ready to play against Real Madrid next week”
“But, Kyle is Kyle… and he has special genetics. The doctor said it was quite serious. But Kyle is Kyle!” pic.twitter.com/IvQUtiOhCM
— Pubity Sport (@pubitysport) April 3, 2024
بەپێی ئاگادارکردنەوەی پزیشکەکان ئەستەمە بەرگریکارە ئینگلیزەکە بۆ ئەو یارییە ئامادەبێت، بەڵام لە وەڵامەکەی پێپ وا دەردەکەوێت هێشتا هیوایەکی کەم هەبێت بۆ ئامادەبوونی یاریزانەکە.
سێشەممەی داهاتوو، کاتژمێر 22:00 بەکاتی کوردستان، مانچێستەر سیتی لە یاری چوونی قۆناخی چارەکی کۆتایی چامپیۆنزلیگ لە یاریگای سانتیاگۆ بێرنابیۆ دەبێتە میوانی ریال مەدرید.
هەردوو یانە پاڵێوراوی سەرەکین بۆ بەدەستهێنانی نازناوەکە، وەرزی رابردوو یانە ئیسپانییەکە لەسەر دەستی سیتیزن کرایەدەرەوە، بۆیە مەدریدییەکان چاویان لە تۆڵەیە و مانچێستەراوییەکانیش دەیانەوێت سەرکەوتنەکەی پار دووبارە بکەنەوە.
