یاریگا –
بەیاننامەی فەرمی فیدراسیۆنی تۆپی پێی ئەرجەنتین سەبارەت بە لیۆنێل مێسی كاپتن و ئەفسانەی یەكەمی هەڵبژاردەكەی.
لیۆنێل مێسی، ئەستێرەی یانەی ئینتەر مەیامی ئەمریكی بەهۆی پێكانەوە ناتوانێت لە دوو یاری داهاتووی هەڵبژاردەی ئەرجەنتین بەشداری بكات.
وا بڕیارە پاڵەوانی جیهان لە ماوەی هەفتەی داهاتوودا دوو یاری دۆستانە بەرامبەر هەڵبژاردەكانی سالڤادۆر و كۆستاریكا ئەنجام بدات.
🚨 Official: Lionel Messi is out from Argentina games against El Salvador and Costa Rica.
“The captain Lionel Messi, will not be able to be in the squad for the friendlies in USA due to a minor injury he suffered in his team's match against Nashville”. 🇦🇷 pic.twitter.com/2exwbiGz0N
— Fabrizio Romano (@FabrizioRomano) March 18, 2024
لیۆنێل مێسی لە یاری یانەكەی بەرامبەر ناشڤیڵ لە پاڵەوانییەتی كۆنكاكاف تووشی پێكان هات و بەهۆیەوە نەیتوانی لە یاری رابردووی یانەكەی بەشداری بكات.
فیدراسیۆنی تۆپی پێی ئەرجەنتین لە بەیاننامەیەكی فەرمیدا ئاشكرایكرد:
لیۆنێل مێسی بەهۆی پێكانی ماسولكەكانی قاچی چەپی دەناڵێنێت و بەهۆیەوە ناتوانێت پەیوەندی بە هەڵبژاردەی ئەرجەنتینەوە بكات.
لەم وەرزەی خولی ئەمریكیدا لیۆنێل مێسی بەشداری لە سێ یاری كردووە و توانیویەتی سێ گۆڵ بكات و گۆڵێكیش درووست بكات.
