لێدوانەكانی چاڤی پێش یارییەكەیان بەرامبەر ناپۆلی
یاریگا –
لێدوانەكانی چاڤی هێرناندێزی ئیسپانی و راهێنەری یانەی بارسێلۆنا پێش یارییەكەیان بەرامبەر ناپۆلی.
وا بڕیارە ئەمڕۆ سێشەممە كاتژمێر 23:00 بەكاتی كوردستان بارسێلۆنا لە یاریگای خۆیدا میوانداری ناپۆلی بكات، لە میانی یاری گەڕانەوەی قۆناخی شازدەی خولی یانە پاڵەوانەكانی ئەوروپا.
Només queden 2️⃣4️⃣ hores.#BarçaNapoli pic.twitter.com/g3NPzHiA04
— FC Barcelona (@FCBarcelona_cat) March 11, 2024
لێدوانەكانی چاڤی پێش یارییەكەیان بەرامبەر ناپۆلی:
ناپۆلی لەگەڵ راهێنەرە نوێیەكەیان ئاستیان بەرەو پێشەوە چووە، ئێمە دەچینە ناو یارییەكە بە ئامادەنەبوونی چەندین یاریزانی گرنگ لەوانە پێدری، دی یۆنگ و باڵدی هەروەها گاڤی و فێران تۆرێس، بەڵام ئامادەین و دەبێت بجەنگین.
داوا لە هاندەران دەكەم پاڵپشتیمان بكەن و لە یاریگا ئامادە بن تا هاوكاریمان بكەن بۆ پێشەوە بچین.
دەبێت هەموو شتێك پێشكەش بكەین، رووبەڕووبوونەوەی ناپۆلی دەرفەتێكە تا بارسێلۆنا دووبارە بگاتەوە قۆناخی چارەكی كۆتایی چامپیۆنزلیگ، ئەوە گرنگترین یاری ئەم وەرزەمانە و بە جۆش و خرۆشەوە خۆمان بۆ ئامادە كردووە.
ئێمە هەست بە ترس ناكەین، هەموو هۆكارێك و پاڵنەرێكمان هەیە بۆ ئەوەی بچینە یاریگاوە و دەرفەتەكە بقۆزینەوە، پێوویستە گرنگی بە هەموو وردەكارییەكان بدەین.
هیچ تیمێك لەوی تر باشتر نیە، هەریەكەمان چانسی %50 مان هەیە بۆ گەیشتن بە قۆناخی داهاتوو.
بۆ هەموو شتێك خۆمان ئامادە كردووە و راهێنانمان لەسەر لێدانی یەكلاكەرەوەش كردووە.
یاری چوون لە نێوان هەردوو یانە لە یاریگای مارادۆنا بە گۆڵێك بۆ هەردوولا كۆتایی هات.
