مانچێستەر سیتی ژمارەیەكی ریال و بایرنی یەكسان كردەوە
یاریگا –
یانەی مانچێستەر سیتی ئینگلیزی ژمارەیەكی هەردوو یانەی ریال مەدریدی ئیسپانی و بایرن میونشنی ئەڵمانی یەكسان كردەوە.
شەوی رابردوو مانچێستەر سیتی لە یاریگای ئیتیحادی تایبەت بە خۆی میوانداری كۆپێنهاگنی كرد و یارییەكەشی بە سێ گۆڵ بەرامبەر گۆڵێك لێ بردەوە، لە میانی یاری گەڕانەوەی قۆناخی شازدەی خولی یانە پاڵەوانەكانی ئەوروپا.
بەوەش بە ئەنجامی هەردوو یاری هاتن و چوون و بە شەش گۆڵ بەرامبەر دوو گۆڵ تیمەكەی گواردیۆلا خۆیان گەیاندە قۆناخی چارەكی كۆتایی پاڵەوانیەتیەكە.
FULL-TIME | Into the last eight! 🏆🙌
🩵 3-1 ⚪️ #ManCity pic.twitter.com/2UesUWytp8
— Manchester City (@ManCity) March 6, 2024
بەپێی زانییارییەكانی تۆڕی ئۆپتا كە تایبەتە بە ژمارە و ئامارەكان مانچێستەر سیتی سەركەوتوو بوو لە یەكسان كردنەوەی ژمارەیەكی ریال مەدرید و بایرن میونشن.
ئاماژە بەوەشكراوە، تەنیا سێ یانە لە مێژووی خولی یانە پاڵەوانەكانی ئەوروپا توانیویانە 10 یاری لەسەر یەك ببەنەوە، ئەوانیش ریال مەدرید، مانچێستەر سیتی و بایرن میونشن.
تا ئێستا هەریەك لە یانەكانی پاریس سانجێرمان، بایرن میونشن، مانچێستەر سیتی و ریال مەدرید خۆیان گەیاندووەتە قۆناخی چارەكی كۆتایی خولی یانە پاڵەوانەكانی ئەوروپا.
