یاریگا –
لێدوانەكانی چاڤی هێرناندێزی ئیسپانی و راهێنەری یانەی بارسێلۆنا دوای یەكسان بوونەكەیان بەرامبەر گرانادا.
شەوی رابردوو بارسێلۆنا لە یاریگای خۆیدا میوانداری گرانادای كرد و یارییەكەش بە سێ گۆڵ بۆ هەردوولا یەكسان بوون، لە میانی یارییەكانی هەفتەی 24ی لالیگای ئیسپانیا.
Final pic.twitter.com/qQWljt1kfN
— FC Barcelona (@FCBarcelona_cat) February 11, 2024
لە دوای یارییەكە چاڤی هێرناندێز گوتی:
ئەمڕۆ هەنگاوێك چووینە دواوە، بەڵام لە رووی هێرشبەریەوە هەنگاوێكمان بەرەو پێشەوە نا، ناتوانیت روونی بكەیتەوە كە چۆن ئەو هەڵە بەرگریانە بەو شێوەیە روودەدەن.
بەردەوام بوو گوتیشی:
وەك راهێنەرێك نابێ خۆم بەدەستەوە بدەم، دەبێت زیاتر راستیان بكەمەوە و پاڵپشتیان بكەم، ئێمە 10 خاڵ لە پێشەنگەوە دوورین، وازناهێنین بەڵام شتەكان زۆر قورس بوون.
بردنەوەی خولەكە قورسە، بەتایبەت دوای ئەمڕۆ، بەڵام مەحاڵ نییە، تا كۆتایی دەجەنگین.
لە درێژەی قسەكانیدا گوتی:
ئاراوخۆ باشە، یاری نەكرد چونكە بەم دواییانە زۆر یاری كردووە، لامین یامالیش جیاوازی درووستكرد ئەوە شتە باشەكەی یارییەكە بوو.
دەربارەی بردنەوەی جامی ئاسیا لەلایەن قەتەڕەوە چاڤی گوتی:
پەیامی پیرۆزباییم بۆ هەمووان لە سەد و شێخ جاسم نارد، پەیوەندیەكی باشم هەیە لەگەڵیاندا و پیرۆزبایی لە هەموو قەتەڕییەكان دەكەم و هیوای باشترینیان بۆ دەخوازم.
Xavi valora el #BarçaGranada 🎤 pic.twitter.com/WZcQfmaaqO
— FC Barcelona (@FCBarcelona_cat) February 11, 2024
بارسێلۆنا بە كۆكردنەوەی 51 خاڵ لە ریزبەندی سێیەمی لالیگا دێت و بە جیاوازی 10 خاڵ لە دوای ریال مەدریدی پێشەنگەوە دێت.
