یاریگا –
تۆماس مولەر، ئەستێرەی هەڵبژاردەی ئەڵمانیا و یانەی بایرن میونشنی ئەڵمانی باس لە دۆڕاندنەكەیان بەرامبەر بایەر لیڤەركوزن دەكات.
شەوی رابردوو بایەر لیڤەركوزن لە یاریگای بای ئەرینای تایبەت بە خۆی میوانداری بایرن میونشنی كرد و یارییەكەشی بە ئەنجامی سێ گۆڵی بێ وەڵام لێ بردەوە، لە میانی یارییەكانی هەفتەی 21ی بۆندسلیگادا.
@Official_Benji_ pic.twitter.com/81x2i60iv0
— Official_benji_Comps (@Benji_Comps_) February 10, 2024
لە دوای یارییەكە مولەر گوتی:
نا ئومێد بووم لە شێوازی یاریكردنمان لە یاریگادا، بوێری و ئازایەتیمان لە دەستداوە، هەرچەندە چەندین یاریزانی ئاست بەرزی نێودەوڵەتیمان هەیە كە توانای زۆریان هەیە.
بەردەوام بوو گوتیشی:
دەبێت باسی یاریزانەكانیش بكەیت، ئەوە تەنیا پەیوەندی بە راهێنەرەوە نیە، پێوویست ناكات بچینە لای و لۆمەی بكەین، ئێمە تیمەكەمان لە چەندین یاریزانی ئاست بەرز پێكدێت و پێوویستمان بە هەستانەوەیە.
لەو یارییەدا بایرن میونشن ئاستێكی خراپی پێشكەشكرد و تەنیا یەك لێدانیان بۆ گۆڵی بەرامبەر هەبوو.
تیپەكەی چاڤی ئالۆنسۆ بە كۆكردنەوەی 55 خاڵ پێشەنگی ریزبەندی بۆندسلیگای گرتووە و كوڕانی تۆخێلیش بە 50 خاڵ لە پلەی دووەم دێن.
