یاریگا –
ئاندری لونین، گۆڵپارێزی ئۆكرانی یانەی ریال مەدریدی ئیسپانی بڕیاری كۆتایی خۆی لەسەر داهاتووی دا.
گرێبەستەكەی لونین لەگەڵ ریال مەدرید لە هاوینی ساڵی 2025 بەسەردەچێت.
🥅 Lunin despeja su futuro
🗣 El portero ucranio confesó en los micrófonos de El Chiringuito que tiene contrato hasta 2025 y que su idea es “obviamente” quedarse. “Cuando el Bernabéu corea tu nombre es algo de otro mundo”. https://t.co/xohtttpfLx— Diario AS (@diarioas) February 10, 2024
بەپێی زانیارییەكانی رۆژنامەی ئاس، ئاندری لونین خواستی خۆی بە مانەوەی لە ریال مەدرید دەربڕیوە و نایەوێت ئەو یانەیە جێبهێڵێت.
بەپێی زانیارییەكانی هەمان سەرچاوە، لونین وەرزی داهاتوو و لە دوای گەڕانەوەی تیبۆ كۆرتوای گۆڵپارێزی سەرەكی یانەكە، لە كێبڕكێكردن لەگەڵیدا ناترسێت.
هەمان سەرچاوە لێدوانەكانی لونینی لەگەڵ بەرنامەی چێرینگویتۆی ئیسپانی بڵاوكردووەتەوە و كە تێیدا گوتویەتی:
ئەوە روونە كە دەمەوێت لێرە بەردەوام بم، لەم رۆژانەدا زۆر باشم، بە دڵنیاییەوە باشترین ساتەكانی ژیانی وەرزشیم ئەزموون دەكەم.
نازانم بەو رادەیە سەرنج و متمانەی راهێنەرەكەم بۆ لای خۆم راكێشا بێت، بەڵام رێگەم پێدەدەن كەمێك زیاتر لەوەی پێشتر یاڕیم دەكرد یاری بكەم، ئەمەش شتێكی باشە.
لەم وەرزەی لالیگادا لونین لە كۆی 11 یاری بەشداری كردووە و توانیویەتی 27 لێدان بگەڕێنێتەوە.
