یاریگا –
لێدوانەكانی ئەفسانەی تۆپی پێی ئەرجەنتینی و یانەی ئینتەر مەیامی ئەمریكی لیۆنێل مێسی پێش یارییە دۆستانەكەیان بەرامبەر ڤیسێل كۆبێ لە ژاپۆن.
وابڕیارە سبەی كاتژمێر 13:00 ڤیسێل كۆبێ و ئینتەر مەیامی لە یارییەكی دۆستانەدا رووبەڕووی یەك ببنەوە.
Next Up: Japan 🇯🇵✈️
Secure your tickets for our upcoming match here: https://t.co/JSEIM8Wyng pic.twitter.com/AJSGE0K1oZ
— Inter Miami CF (@InterMiamiCF) February 5, 2024
لە یاری رابردووی یانەكەی بەرامبەر ئەستێرەكانی هۆنگ كۆنگ بەهۆی ئازار لە ماسولكەكانیدا لیۆ مێسی نەیتوانی بەشداری بكات.
لە كۆنگرەی رۆژنامەوانی پێش یارییەکەیان بەرامبەر ڤیسێل كۆبێ لیۆ گوتی:
من زۆر دڵخۆشم بە یاریكردن لە ژاپۆن.
بەهۆی هەستكردن بەئازار لە ماسولكەكانم، لە دوایین یاری لە هۆنگ كۆنگ بەشداریم نەكرد، حەزم دەكرد یاری بكەم.
گەشتی ئامادەكاریی خەریكە كۆتایی دێت، حەز دەكەم پێش گەڕانەوەم دوایین یاری لە ژاپۆن بكەم.
نازانم سبەی دەتوانم یاری بكەم یان نا.
دەمویست لە هۆنگ كۆنگ یاری بكەم، چونكە زۆر كەس ئامادە بوو بوون، بەڵام نەمتوانی و ئەوەش بەشێكە لە یاریكردن.
كەمێك ماندوو بووم لەم هەمووە گەشتە، دەمەوێت كۆتا یاری بكەین و بگەڕێمەوە ماڵەوە.
لە یەكەم یاری لە سعودیە هەستم بە ئازار و ناڕەحەتی لە ماسولكەكانمدا كرد، لە یاری دووەمدا كەمێك یاریم كرد، پشكنینەكان نەرێنی نەبوون، بەڵام ئازار بەردەوام بوو.
ڤیسێل كۆبێ ئەو یانەیەیە لە دوای رۆیشتنی ئاندرێس ئینێستا بۆ ئەو یانەیە ناسیم، ساڵی رابردوو پاڵەوانی خولەكە بوون و بە دڵنیاییەوە رووبەرووی تیپێكی باش دەبینەوە.
لە پێش دەستپێكردنەوەی وەرزی نوێ ئینتەر مەیامی دوو یاری دیكەی ئامادەكاری بەرامبەر یانەكانی ڤیسێل كۆبێ و نیوێل ئۆڵد بۆیز دەكات.
