یاریگا –
لە دوای بڕیاری رۆیشتنی لە بارسێلۆنا ناوی چەندین راهێنەر وەك شوێنگرەوەی چاڤی هێرناندێز بۆ پۆستی راهێنەرایەتیكردنی یانە كەتەلۆنییەكە بڵاو كراوەتەوە.
شەوی رابردوو بارسێلۆنا لە یاریگای مۆنجویكی تایبەت بە خۆی میوانداری ڤیاڕیالی كرد و یارییەكەش بەئەنجامی پێنج گۆڵ بەرامبەر سێ گۆڵ لە بەرژەوەندی یانەی میوان كۆتایی هات.
لە دوای یارییەكە لە كۆنگرەیەكی رۆژنامەوانیدا چاڤی هێرناندێز دووپاتیكردەوە لە دوای كۆتاییهاتنی یارییەكانی وەرز ریزەكانی یانەكەی جێدەهێڵێت.
یۆرگن كڵۆپ;
بەپێی زانیاریەكانی رادیۆ كەتەلۆنیا، ناوی یۆرگن كڵۆپی ئەڵمانی و راهێنەری یانەی لیڤەرپوولی ئینگلیزی تاكە ناوە كە لە هزری هاندەرانی بارسێلۆنادایە بۆ شوێنگرتنەوەی چاڤی هێرناندێز.
ئەمە لە كاتێكدایە كە پێشتر كڵۆپ رایگەیاند لە كۆتایی وەرز ریزەكانی یانەی لیڤەرپوول جێدەهێڵێت و ئاشكرایكرد لە دوای رێدز راهێنەرایەتی هیچ یانەیەكی پرێمەرلیگ ناكاتەوە.
‼️ SUBSTITUT DE XAVI @EsportsRAC1 🎙️ @RogerSaperas
👉 Ara mateix, Márquez no seria una opció, ni tampoc cap entrenador novell
👉 No hi ha cap nom damunt la taula, però el de Jurgen Klopp és el que està més al cap de les persones que han de prendre la decisió pic.twitter.com/S7HncOYb9B
— El Barça juga a RAC1 (@FCBRAC1) January 27, 2024
رافایێل ماركێز;
راهێنەری تیپی دووەم بارسێلۆنا B رافایێل ماركێز، یەكێكی دیكەیە لو پاڵێوراوەكان بۆ شوێنگرتنەوەی چاڤی هێرناندێز.
لە لێدوانێكی پێشوویدا ماركێز گوتی; كێ لە ئێمە نایەوێت ببێتە راهێنەری بارسێلۆنا؟ ناتوانیت بۆ هەلێكی لەو شێوەیە بڵێیت نا، بەڵام دەبێت دەستەی كارگێڕی بە باشی بیر بكاتەوە، ئەوە تەنیا دووەم وەرزمە وەك راهێنەر.
ماركێز لە هاوینی ساڵی 2022 پۆستی راهێنەرایەتیكردنی بارسێلۆنا B وەرگرت و گرێبەستەكەی لە هاوینی ئەمساڵدا بەسەردەچێت.
¡No le busquen más!🤝
Rafael Márquez se candidateó al puesto que dejará Xavi al final de temporada.
El estratega mexicano lo ha hecho bastante bien con el Barca B y espera la oportunidad.📲https://t.co/ribch6UBfX
— TV Azteca Deportes (@AztecaDeportes) January 28, 2024
تیاگۆ مۆتا;
ناوی تیاگۆ مۆتا یەكێكی دیكەیە لەو ناوانەی كە پاڵێوراوە بۆ شوێنگرتنەوەی چاڤی هێرناندێز، مۆتا لەگەڵ بۆڵۆنیا ئاستێكی بەرز پێشكەش دەكات.
لە دوای یارییەكەی شەوی رابردوویان بەرامبەر میلان تیاگۆ مۆتا گوتی; گوێم لە هەواڵەكانی رۆیشتنی چاڤی لە بارسێلۆنا بووە، من چێژ لە كاتەكانم لە بۆڵۆنیا وەردەگرم، تەنیا بیر لەوەی ئێستا هەیە دەكەمەوە.
🚨 Thiago Motta: “I heard of Xavi leaving Barça, yes — they told me this news some minutes ago…”.
“Barça links for the future? I live in the present. I’m enjoying my time at Bologna, I’m only focused on the present”. pic.twitter.com/1zm54helKc
— Fabrizio Romano (@FabrizioRomano) January 27, 2024
بارسێلۆنا بە كۆكردنەوەی 44 خاڵ لە ریزبەندی سێیەمی لالیگا دێت و بە جیاوازی دە خاڵ لە دوای ریال مەدریدی پێشەنگەوەیە.
