یانەی شەبابی سعودی و ئەستێرەیەکی نیوکاسڵ لە گفتوگۆدان
یاریگا –
یانەی شەبابی سعودی چاوی لە نیوکاسڵ ئامانجی خۆیان دۆزیوەتەوە و سەرچاوە جیاوازەکانیش دەڵێن گفتوگۆ لەو بارەیەوە کراوە.
رۆژنامەنووس لوک ئێدواردس لە رۆژنامەی تەلەگرافی بەریتانی ئاشکرای کردووە کە لە خولی سعودیەوە گفتوگۆیان پێشخستووە بۆ گواستنەوەی میگێل ئالمیرۆنی هێرشبەری نیوکاسڵ. ئەو ڕۆژنامەنووسە باس لەوەش دەکات هێشتا هیچ برە پارەیەک لە گفتوگۆکاندا دیاری نەکراوە، بەڵام خواستەکە جدیە لەلایەنی سعودییەوە. بڕیاریشە گفتوگۆکان لەو بارەیەوە بەردەوام بن.
Talks over a possible move for Miguel Almiron to a club in Saudi Arabia are ongoing. No fee agreed yet but interest is genuine. Negotiations set to continue. More on @TeleFootball shortly including name of possible replacement if he leaves #NUFC
— Luke Edwards (@LukeEdwardsTele) January 22, 2024
رۆژنامەنووس بێن جاکۆبس هەر لەسەر هەمان بابەت زانیاریی داوە کە یانەی شەبابە هەوڵی کڕینی ئالمیرۆن دەدەن. لەو بارەیەشەوە ڕێککەوتنی سەرەتایی کراوە، بەڵام هێشتا یەکلایی نەکراوەتەوە.
Exclusive: Al-Shabab and Newcastle have reached a provisional agreement over Miguel Almiron. It's understood Almiron is open to the move, but the deal is not done yet.🇸🇦 pic.twitter.com/qdny6qSfJE
— Ben Jacobs (@JacobsBen) January 22, 2024
نیوکاسڵ بۆ ئەو بڕە باجە زۆرەی ساڵی ڕابردوو هاتە سەری، دەیانەوێت لە فرۆشتنی یاریزانە ناپێویستەکانیاندا قەرەبووی بکەنەوە.
جگە لە ئالمیرۆن، ناوەکانیتری وەک برونۆ گیماریش، کاڵۆم ویڵسن و کیران تریپییە لە دیارترین ئەو یاریزانانەن کە خواستیان لەسەرە لە خولەک جیاوازەکانەوە.
ئالمیرۆنی پاراگوایی پێنجەم وەرزیەتی لەگەڵ یانە ئینگلیزیەکە و، باشترین ماوەی خۆی لەگەڵ نیوکاسڵ وەرزی ٢٠٢٢-٢٠٢٣ بوو کە تێیدا بەشداری ١٥ گۆڵی کرد. بەڵام ئەم وەرزە دوورە لەو ئاستەی خۆیەوە.
