بۆ یەکەمجار؛ ئۆسیمین باسی گواستنەوەی بۆ پرێمەرلیگ دەکات
چێڵسی و ئارسیناڵ ئامادەن بیگوزنەوە
یاریگا –
ڤیکتۆر ئۆسیمین، هێرشبەری نایجێری دووپاتیدەکاتەوە، دەیەوێت یاری لە پرێمەرلیگ بکات.
لە ماوەی رابردوودا، هێرشبەری ناپۆلی بەردەوام ناوی بە یانە گەورەکان بەستراوەتەوە، یانەکانی چێڵسی و ئارسیناڵ لە سەرووی گرنگیپێدەرانن.
ئۆسیمین لەم وەرزەدا، هەشت گۆڵی لە 18 یاریدا کردووە و لە وەرزی رابردووشدا، ئاستێکی بەرزی لەگەڵ یانەکەی نەیپڵس پێشکەش کرد و بووە پاڵەوانی سێریا ئەی.
ئۆسیمین لە لێدوانێکیدا لەگەڵ سکای سپۆرتس، باسی لە پەیوەندی نزیکی لەگەڵ ئۆرێلیۆ دی لاورێنتیس کرد
دڵخۆشم لەگەڵ سەرۆکی یانەکە، ناتوانم درۆ بکەم، پەیوەندییەکی باشم لەگەڵدا هەیە، لەوەتەی هاتوومەتە ئەم یانەیە، بەردەوام لەگەڵمدا بووە. پەیوەندییەکی باشم لەگەڵ ماڵباتەکەیدا هەیە. دی لاورێنتیس زۆر باش بووە بۆ بن و لە ناوەوە و دەرەوەی یاریگا، بەردەوام پاڵپشتی منی کردووە. دڵنیاتان دەکەمەوە، هەموو هەوڵێک دەدەم، ئەم وەرزەش سکودێتۆ بەدەستبهێنن. بەلای منەوە گرنگە ئەم جۆرە پەیوەندییانەم هەبێت.
🚨🇳🇬 Victor Osimhen when asked about move to Premier League: “Of course, one day I’d love to play in Premier League definitely”.
“But for now I’ve other plans for my career”.
“When the time comes, everyone will know”, told Sky. pic.twitter.com/UzfvfBZ1Cq
— Fabrizio Romano (@FabrizioRomano) January 16, 2024
لە وەڵامی پرسیارێکیدا لەبارەی پەیوەندیکردن بە یانەیەکی پرێمەرلیگ، ئۆسیمین دەڵێت
بەدڵنیاییەوە دەمەوێت رۆژێک لە رۆژان یاری لە پرێمەرلیگ بکەم، بەڵام ئێستا پلانی دیکەم هەیە و خەریکم کاریان لەسەر دەکەم، هەر کاتێک کاتی هات، هەمووان دەیزانن.
ئۆسیمین پێشتر یاری بۆ یانەکانی فۆڵفسبورگ، چارلێڕۆی و لیل کردووە. یەکێکە لە دیارترین ئەستێرەکانی نایجێریا و خاوەنی 21 گۆڵە لە کۆی 28 یاری نێودەوڵەتیدا.
