یاریگا –
چاڤی هێرناندێز، راهێنەری یانەی بارسێلۆنای ئیسپانی گورزێكی كوشندەی پێش رووبەڕووبوونەوەكەیان بەرامبەر ریال مەدرید بەركەوت.
وا بڕیارە ئەمڕۆ یەكشەممە كاتژمێر 22:00 بە كاتی كوردستان ریال مەدرید و بارسێلۆنا لە یاریگای ئەوەل پارك، لە یاری كۆتایی سوپەری ئیسپانیا رووبەڕووی یەك ببنەوە.
لە یارییەكانی قۆناخی پێش كۆتایی جامی سوپەری ئیسپانیا بارسێلۆنا لە ئۆساسونای بردەوە و ریال مەدریدیش لە ئاتلێتیكۆ مەدریدی بردەوە.
🚨 Joao Cancelo 🇵🇹 NE S'ENTRAÎNE PAS avec l'équipe du Barça mais en salle. 🤕💙❤️
Il manquera la finale de la Super Coupe d'Espagne. 🏆❌
(@elchiringuitotv) pic.twitter.com/PNuOewRDUp
— Actu Foot (@ActuFoot_) January 13, 2024
بەپێی زانیاریەكانی بەرنامەی بەناوبانگی ئێل چێرینگویتۆی ئیسپانی جواو كانسێلۆ بەشداری لە كۆتا راهێنانەكانی یانەكەی بۆ رووبەڕووبوونەوەی ریال مەدرید نەكرد.
هەمان سەرچاوە ئاماژەی بەوەشكردووە، ئەستێرە پۆرتوگالیەكە ناتوانێت بەشداری یاری كۆتایی سوپەری ئیسپانیا بەرامبەر ریال مەدرید بكات.
بەرنامەكە پارچەیەك ڤیدیۆی بڵاوكردووەتەوە كە یاریزانەكە لە هۆڵی وەرزشی بە تەنیا راهێنان دەكات.
كانسێلۆ لە سەرجەم پاڵەوانیەتیەكاندا 22 یاری بۆ بارسێلۆنا كردووە و توانیویەتی سێ گۆڵ بكات و دوو گۆڵیش درووست بكات.
