یاریگا –
خوان لاپۆرتا، سەرۆكی یانەی بارسێلۆنای ئیسپانی باس لە رووبەڕووبوونەوەكەیان بەرامبەر ریال مەدرید دەكات.
وا بڕیارە ئەمڕۆ یەكشەممە كاتژمێر 22:00 بە كاتی كوردستان ریال مەدرید و بارسێلۆنا لە یاریگای ئەوەل پارك، لە یاری كۆتایی سوپەری ئیسپانیا رووبەڕووی یەك ببنەوە.
Un nou clàssic. Una nova final. ⚔️🔥 pic.twitter.com/yrs6PRhiHp
— FC Barcelona (@FCBarcelona_cat) January 11, 2024
لاپۆرتا لە لێدوانەكانیدا بۆ رۆژنامەی مۆندۆ دیپۆرتیڤۆ سەبارەت بە یاری كۆتایی گوتی:
هیوادارین ئەوەی ساڵی رابردوو بەرامبەر ریال مەدرید كردمان دووبارەی بكەینەوە.
بەردەوام بوو گوتیشی:
دیمەنێكی نایابی تۆپی پێ بوو، یارییەكی نایابمان ئەنجامدا، ئەمجارەش بۆ بردنەوە دەجەنگین و بڕوامان پێی هەیە، یاریزانەكان یەكگرتوون و زۆر وردن، شەڕ دەكەین بۆ بردنەوەی نازناوی جامی سوپەری ئیسپانیا.
لە یارییەكانی قۆناخی پێش كۆتایی جامی سوپەری ئیسپانیا بارسێلۆنا لە ئۆساسونای بردەوە و ریال مەدریدیش لە ئاتلێتیكۆ مەدریدی بردەوە.
