یانەیەکی دیکەی سعودی ململانێی بەدەستهێنانی سەڵاح دەکات
یاریگا –
یانەیەکی دیکەی سعودی کێبڕکێی بەدەستهێنانی تواناکانی محەمەد سەڵاح دەکات.
رۆژنامەنووسی باوەڕپێکراو، رودی گالێتی بڵاویکردووەتەوە، یانەیەکی دیکەی سعودی هاتووەتە ناو کێبڕکێی بەدەستهێنانی تواناکانی محەمەد سەڵاحی میسڕی و ئەستێرەی یانەی لیڤەرپوول.
هەرچەندە گالێتی ناوی یانەکەی ئاشکرا نەکردووە، بەڵام پێشبینی دەکرێت یانەی هیلال بێت، بەو پێیەی دوێنێ سێشەممە، رۆژنامەنووس، بن جاکسن گرینگیدانی هیلالی بە سەڵاح ئاشکرا کردبوو.
🚨✨ EXCL | A new 🇸🇦 club joined the race for Mohamed #Salah.
🗣️ Contacts with his entourage already started to explore the opportunity for a transfer at the end of the season.
‼️ Last summer, the 🇪🇬 agreed personal terms with #AlIttihad, but #Liverpool rejected all attempts. pic.twitter.com/q1KEYcG07Q
— Rudy Galetti (@RudyGaletti) January 3, 2024
سەڵاح هاوینی رابردوو لەگەڵ یانەی ئیتیحادی سعودی لەسەر مەرجە کەسییەکانیش گەیشتە رێککەوتن، نزیکبوو لە جێهێشتی لیڤەرپوول، بەڵام یۆرگن کڵۆپ و یانەکەی رێگرییان لە رۆیشتنی کرد.
پێشبینی دەکرێت رگرییەکانی رێدز تەنیا بۆ ئەم وەرزە بووبێت و ئەستێرە تەمەن 31 ساڵانییەکە هاوینی داهاتوو کاروانی وەرزشی خۆی بەرەو خولی رۆشنی سعودی بگوازێتەوە.
سەڵاح بە درێسی لیڤەرپوول لە سەرجەم پاڵەوانێتییەکان 583 یاری کردووە، 281 گۆڵی کردووە و 141 گۆڵیشی درووستکردووە.
نازناوێکی چامپیۆنزلیگ، نازناوێکی پرێمەرلیگ، نازناوێکی جامی جیهانی یانەکان، نازناوێکی جامی سوپەری ئەوروپا، نازناوێکی جامی یەکێتی ئینگڵتەڕا، دوو نازناوی جامی کاراباو و نازناوێکی جامی قەڵغانی لەگەڵ یانەکەی بەدەستهێناوە.
