یاریگا –
چوار یاریزانی کورد بانگهێشتی هەڵبژاردەی ئۆڵێمپی عێراق کران بۆ ئەوەی بەشداریی کەمپی مەشق و راهێنانی بەسرە بکەن.
رازی شنێشل راهێنەری هەڵبژاردەی عێراق لیستێکی 30 یاریزانی بۆ بەشداریکردن لە کەمپی مەشق و راهێنانی بەسرە راگەیاند، کە چوار یاریزانی کورد لە لیستەکەدان، هەڵۆ فایەق بەرگریکاری یانەی هەولێر و سیابەند عەگید هێرشبەر و ئاکۆ حوزێر و عەبدولڕەحمان زەید ناوەڕاستکاری یانەی دهۆک لە لیستەکەدان.
هەڵبژاردەی ئۆڵێمپی عێراق رۆژی 2ـی مانگی داهاتوو تاوەکو رۆژی 10ـی هەمان مانگ لە بەسرە کەمپێکی مەشق و راهێنان دەکەنەوە، بۆ ئەوەی خۆیان بۆ پاڵاوتنەکانی ئاسیا بۆ ئۆڵمپی پاریس ئامادە بکەن.
