یاریگا-
یانه‌ی ناپۆلی پێشوازی له بیرۆكه‌ی به‌رێوه‌چوونی سوپه‌رلیگ ده‌كات و ئاماده‌یه گفتوگۆ له‌گه‌ڵ یانه گه‌وره‌كان بكات.
پێگه‌ی فتبۆڵ ئیتاڵیا بڵاویكرده‌وه، دی لاورێنتسی خاوەن و سەرۆکی یانەی ناپۆلی دڵخۆشە بە هەواڵی به یاسایی بوونی پرۆژه‌ی سوپەرلیگ و خۆشحاڵه به بەشداریكردنی پاڵەوانێتییەکی جیاواز و ئامادەیە بەشداری گفتوگۆ لەگەڵ یانە گەورەکانی ئەوروپا بکات بۆ ئەوەی پێکەوە پڕۆژەکە بنیات بنێن.
پێشتر سه‌رۆكی ناپۆلی رایگه‌یاندبوو، یوێفا ساڵانە 800 ملیۆن یۆرۆ بەدەست دەهێنێت، و نازانین ئەم پارەیە چی به‌سه‌ر دێت، شه‌فافیه‌ت له داهاتی یوێفا نیه، به ناراسته‌وخۆ پشتگیری له پرۆژه‌ی سوپه‌رلیگ كرد و له‌گه‌ڵ فیفا و یوێفا هاوڕانه‌بووه له ره‌تكردنه‌وه‌ی پرۆژه‌كه.
