کریستیانۆ رۆناڵدۆ سوورە لەسەر ئەوەی مووچەکەی لە یۆڤێنتۆس وەربگرێتەوە

یاریگا –

کریستیانۆ رۆناڵدۆ هێشتا سوورە لەسەر ئەوەی مووچەکەی لە یانەی یۆڤێنتۆس وەربگرێتەوە و ئەمڕۆ یاریزانە پۆرتوگاڵییەکە و یانە ئیتاڵییەکە لە دادگا دوا گوتەی خۆیان بە دادوەر دەدەن.

رۆژنامەی لاگازێتا دیلۆ سپۆرتی ئیتاڵی ئاشکرایکردووە، ئەمڕۆ دانیشتنێکی دیکەی دادگا لەبارەی کەیسەکەی کریستیانۆ رۆناڵدۆ لە ئیتاڵیا بەڕێوە دەچێت، هێرشبەرە پۆرتوگاڵییەکە داوای 19.5 ملیۆن یۆرۆ مووچەی دوایین ساڵی یاریکردنی لە یۆڤێنتۆس دەکات، بەڵام یانە ئیتاڵییەکە رەتیدەکاتەوە هیچ مافێکی دۆنی لەلا بێت و ئەمڕۆ پارێزەری هەردوولا لە دادگا ئامادە دەبن.

رۆژنامە ئیتاڵییەکە ئاشکرایکردووە، ئەمڕۆ دانیشتنی دادگا لەبارەی کەیسەکە یەکلاکەرەوە دەبێت و چاوەڕێ دەکرێت سەرەتای ساڵی ئایندە دانیشتنێکی دیکەی دادگا لەبارەی کەیسەکە بکرێت، کە وابڕیارە مانگی ئەپرێلی 2024 دادگا بڕیاری کۆتایی لەبارەی ئەم کەیسە بدات.

https://www.facebook.com/LaGazzettaDelloSport/posts/pfbid0oJeCgDaD6JS7FEoFvsqgw3XLRZrhcd5DgEt52HL1xFKGTrPCtFm1DLudNkYjwCHWl?ref=embed_post

بەگوێرەی سکاڵایەکەی کریستیانۆ رۆناڵدۆ، داوای 19.5 ملیۆن یۆرۆ مووچەی وەرزی 2020/2021 لە یۆڤێنتۆس دەکات، بەڵام یانە ئیتاڵییەکە رەتیدەکاتەوە دۆن هیچ مافێکی لەلای ئەوان مابێت و پێیانوایە بە چوونی کریس لە هاوینی 2021 بۆ مانچێستەر یونایتد، کریستیانۆ رۆناڵدۆ ئەو مافەی لەدەست داوە.

کریستیانۆ رۆناڵدۆلە ماوەی سێ ساڵی یاریکردنی لە بیانکۆنێری لە 134 یارییدا 101 گۆڵی کرد و پێنج نازناوی بۆ خانمە پیرەکە بەدەستهێنا.