سێڤییا لەگەڵ راهێنەرێکی نوێ گەیشتە رێککەوتن
یاریگا –
یانەی سێڤییای ئیسپانی لەگەڵ کیکی سانچێز فلۆریس گەیشتە رێککەوتن.
رۆژنامەنووس فابریزیۆ رۆمانۆ بڵاویکردووەتەوە، سێڤییا لەگەڵ کیکی سانچێز فلۆریس گەیشتووەتە رێککەوتنی کۆتایی، راهێنەرە ئیسپانییەکە شوێنی دیێگۆ ئاڵۆنسۆ دەگرێتەوە و دەبێت بە راهێنەری نوێی تیپەکە.
هەر بەپێی زانیارییەکانی رۆژنامەنووسە ئیتاڵییەکە، سانچێز لە چەند کاتژمێرێکی دیکەدا لە سێڤییا ئامادە دەبێت بۆ واژۆکردنی گرێبەستەکەی.
شەممەی رابردوو، بەهۆی ئەنجامە خراپەکانی، بەشێوەیەکی فەرمی دیێگۆ ئاڵۆنسۆ لە پۆستی راهێنەرایەتی یانە ئیسپانییەکە دوورخرایەوە.
سێڤییا لەم وەرزەی لالیگا 16 یاری کردووە، تەنیا 2 یاری بردووەتەوە، 7 یاری دۆڕاندووە و 7 یاریش یەکسانبووە، بە کۆکردنەوەی 13 خاڵ پلەی حەڤدەیەمی خولەکەی گرتووە و لە لێواری ناوچەی دابەزیندایە.
لە قۆناخی کۆمەڵەکانی خولی یانە پاڵەوانەکانی ئەوروپاش لە 6 یاریدا هیچ یارییەکی نەبردەوە، 2 یاری یەکسانبوو و 4 یاریشی دۆڕاند و لە پلەی چوارەمی کۆمەڵەکەیدا ماڵئاوایی لە پاڵەوانێتییەکە کرد.
🚨⚪️🔴 Sevilla are closing in on the appointment of Quique Sanchez Flores as new manager to replace Diego Alonso. The agreement is being finalised.
Quique, ready to be in Sevilla in the next hours to seal the deal. pic.twitter.com/7TFBtKg6dz
— Fabrizio Romano (@FabrizioRomano) December 18, 2023
