سعودییەکان ئەستێرەیەکی ریال مەدریدیان کردووەتە ئامانج
ئیتیحاد وازناهێنێت
یاریگا –
یانەی ئیتیحادی سعودی، دەیڤد ئالابای ئەستێرەی یانەی ریال مەدریدی کردووەتە ئامانج.
تۆڕی رێلێڤۆ بڵاویکردووەتەوە، ئیتیحادی سعودی چاوی بڕیووەتە تواناکانی دەیڤد ئالابای نەمسایی و بەرگرکاری یانەی ریال مەدرید و ئامانجییانە گرێبەستی لەگەڵدا واژۆ بکەن.
بەپێی سەرچاوە ئیسپانییەکە، سعودییەکان ئۆفەرێکیان بە مووچەی ساڵانەی 20 ملیۆن یۆرۆ پێشکەش بە ئالابا کردووە و تەواوی هەوڵەکانیان خستووەتە گەڕ لە پێناو رازیکردنی.
بەڵام بەرگریکارە تەمەن 31 ساڵانییەکە، بیرۆکەی پەیوەندیکردن بە خولی رۆشنی سعودی رەتدەکاتەوە، دەیەوێت لەگەڵ مێرێنگی بەردەوامبێت لە یاریکردن و نیازی جێهێشتنی ئیسپانیای نییە.
🚨 NEW: David Alaba still has an offer from Al-Ittihad, worth close to €20m a season. But he still wants to STAY at Real Madrid. @Rodra10_97 #rmalive 🇦🇹 pic.twitter.com/wBMrGAjmDs
— Madrid Zone (@theMadridZone) December 14, 2023
جیا لە یاریزانەکە، خێزانەکەشی لە ئیسپانیا دڵخۆشن، هۆکارێکی دیکەن بۆ ئەوەی ناوبراو بیر لە جێهێشتنی مەدرید نەکاتەوە و حەز بە مانەوە لەو شارە دەکەن.
ئالابا لە هاوینی 2021 بە گرێبەستێکی ئازاد لە بایرن میونشنەوە پەیوەندیکرد بە ریال مەدرید، بە درێسی یانە ئیسپانییەکە 101 یاری کردووە، خاوەنی 5 گۆڵ و 9 ئەسیستە.
نازناوێکی چامپیۆنزلیگ، لالیگا، جامی جیهانی یانەکان، جامی سوپەری ئەوروپا، جامی شای ئیسپانیا و جامی سوپەری ئیسپانیای لەگەڵ یانەکەی بەدەستهێناوە.
Un partido difícil pero seguimos avanzando! Orgulloso de jugar 100 partidos para este club especial. 🤍 #HalaMadrid pic.twitter.com/mrbTIBYb3H
— David Alaba (@David_Alaba) December 9, 2023
