مانچێستەر یونایتد دەستبەرداری ئەستێرەیەکی گەورەی دەبێت

یاریگا –

یانەی مانچێستەر یونایتد دەستبەرداری ئانتۆنی مارسیالی فەڕەنسی دەبێت.

ماڵپەڕی زە ئاتلێتیک بڵاویکردووەتەوە، مانچێستەر یونایتدی ئینگلیزی گرێبەستی ئانتۆنی مارسیال درێژناکاتەوە و دەستبەداری یاریزانە فەڕەنسییەکە دەبێت.

مارسیال لە هاوینی داهاتوو گرێبەستەکەی لەگەڵ مانچێستەر بەسەردەچێت، بژاردەی نوێکردنەوەی بۆ وەرزێکی دیکە لەگەڵدایە، بەڵام شەیتانە سوورەکان بڕیاریاندەوە بژاردەی درێژکردنەوەی گرێبەستەکە چالاک نەکەن.

🚨 EXCL: Manchester United do not intend to activate option to extend Anthony Martial contract. Current deal expires 2024 (+ 1yr). Barring change of plan 28yo will exit #MUFC as free agent next summer unless suitable offers arrive in January @TheAthleticFC https://t.co/IsSRcMeCIP

— David Ornstein (@David_Ornstein) December 11, 2023

یاریزانە تەمەن 28 ساڵانییەکە لە هاوینی 2015 بە بڕی 60 ملیۆن یۆرۆ لە یانەی مۆناکۆی فەڕەنسییەوە وەک گرانبەهاترین یاریزانی لاو پەیوەندی بە شەیتانە سوورەکان کرد.

هاوکات ئەگەر مانچێستەر گرێبەستی ئەستێرە فەڕەنسییەکە نوێ نەکاتەوە، ناوبراو لە هاوینی داهاتوو دەبێت بە یاریزانێکی ئازاد.

بەڵام یانەکەی شاری مانچێستەر چاوی لەوەیە بڕێک پارەی لە فرۆشتنی یاریزانەکە دەستبکەوێت، بۆیە ئەگەر لە مێرکاتۆی زستانە ئۆفەرێکی باشیان پێشکەش بکرێت دەستبەرداری دەبن.

مارسیال بە درێسی مانچێستەر یونایتد لە سەرجەم پاڵەوانێتییەکاندا 317 یاری کردووە، 90 گۆڵی کردووە و 55 گۆڵیشی درووستکردووە.

نازناوێکی یۆرۆپالیگ، دوو نازناوی جامی کاراباو، نازناوێکی جامی یەکێتی ئینگڵتەڕا و نازناوێکی جامی قەڵغانی لەگەڵ یانە ئینگلیزییەکە بەدەستهێناوە.

Manchester United do not intend to activate the option to extend Anthony Martial’s contract when it expires at the end of this season.#MUFC

More from @David_Ornstein ⬇️

— The Athletic | Football (@TheAthleticFC) December 11, 2023