یاریگا –
مارك ئەندریە تێر شتیگنی ئەڵمانی و گۆڵپارێزی یانەی بارسێلۆنای ئیسپانی نەشتەرگەریەكی سەركەوتووی بۆ كرا.
بەهۆی هەستكردنی بەردەوام بە ئازار لە بەشی خوارەوەی پشتی بارسێلۆنا بڕیاریدا نەشتەرگەری بۆ گۆڵپارێزی یانەكەی تێر شتیگن بكات.
لە سێ یاری رابردووی یانەكەی بەرامبەر یانەكانی رایۆ ڤاییكانۆ ، ئاتلێتیكۆ مەدرید و پۆرتۆ شتیگن نەیتوانیوە بەشداری بكات و لە جێگای ئەو ئیناكی پێنا لە پێكهاتەی سەرەكی بووە.
زۆربەی سەرچاوەكان ئاماژەیان بەوە كردووە كە بارسێلۆنا هیچ گۆڵپارێزیك بۆ جێگای تێر شتیگن ناگوازێتەوە، سەرەڕای ئەوەی گۆڵپارێزەكەیان دوو مانگ لە یاریگاكان دووردەكەوێتەوە.
𝗖𝗼𝗺𝘂𝗻𝗶𝗰𝗮𝘁 𝗺𝗲̀𝗱𝗶𝗰
El jugador del primer equip 𝗠𝗮𝗿𝗰 𝘁𝗲𝗿 𝗦𝘁𝗲𝗴𝗲𝗻 ha estat intervingut satisfactòriament dels seus problemes lumbars. Aquesta intervenció ha anat a càrrec de la Dra. Amélie Léglise sota la supervisió dels Serveis Mèdics del Club, al Sports… pic.twitter.com/sD4XuGlHu7
— FC Barcelona (@FCBarcelona_cat) December 8, 2023
هەژماری فەرمی بارسێلۆنا لە پلاتفۆرمی ئێكس لە بەیاننامەیەكی فەرمیدا رایانگەیاند:
تێر شتیگن نەشتەرگەریەكی سەركەوتووی بۆ كراوە بۆ چارەسەركردنی كێشەكانی بەشی خوارەوەی پشتی، نەشتەرگەریەكە لەلایەن دكتۆرە ئەمێلی لێگلیسەوە ئەنجامدراوە، لە ژێر چاودێری خزمەتگوزاریە پزیشكیەكانی یانەكەدا.
یانە كەتەلۆنییەكە لە بەیاننامەكەدا ئاماژەی بەوە كردووە كە شتیگن بە سەركەوتووی ژووری نەشتەرگەری جێهێشتووە، ماوەی گەڕانەوەی پەیوەستە بە زوو چاكبونەوەیەوە.
لەم وەرزەدا شتیگن لە 17 یاریدا بەشداری كردووە و 15 گۆڵی لێكراوە و لە هەشت یاری تۆڕی گۆڵەكەی بە خاوێنی هێشتووەتەوە.
