یاریگا –
یۆرگن كڵۆپ، راهێنەری ئەڵمانی یانەی لیڤەرپوولی ئینگلیزی پێكانی جۆیێل ماتیپ ئەستێرەی كامیرۆنی یانەكەی ئاشكرا كرد.
ماتیپ لە یاری پێشووتری یانەكەی بەرامبەر فولهام تووشی پێكان هات و بەهۆیەوە لە خولەكی 70 یاریگای جێهێشت.
Jurgen Klopp confirms that Joel Matip ruptured his ACL against Fulham at the weekend ❌pic.twitter.com/JcRNBJS2Bb
— Sky Sports Premier League (@SkySportsPL) December 6, 2023
بەرگریكارە كامیرۆنیەكە نەیتوانی لە یاری شەوی رابردووی رێدز بەرامبەر شێفێڵد یونایتد بەشداری بكات، كە لەو یارییەدا لیڤەرپوول بە دوو گۆڵی ڤێرجیل ڤان دایك و دۆمینیك سۆبۆسلای بردیەوە.
لە لێدوانەكانیدا كە پێگەی فەرمی لیڤەرپوول بڵاویكردووەتەوە، كڵۆپ ووتی:
بەستەرەكانی پێشەوەی ئەژنۆی پچڕاوە، بەداخەوە ئەمە ئەوەیە كە لە چركەی سەرەتاوە لێی دەترسام، هەمووی بەم شێوەیە دەركەوت، زۆر بێ چانسە.
بەوەش ئەم وەرزە بۆ بەرگریكارەكەی رێدز كۆتایی هات و تا كۆتایی وەرز ناتوانێت بەشداری لە هیچ یارییەكی دیكە بكاتەوە و چاوەڕوان دەكرێت زیاتر له شەش مانگ لە یاریگاكان دووربكەوێتەوە.
گرێبەستەكەی ماتیپ لەگەڵ لیڤەرپوول لە هاوینی ساڵی 2024 بەسەردەچێت.
